"იუნაიტედის" ფეხბურთელები სოლსკიაერის მეთვალყურეობის ქვეშ უფრო გუნდურები და ბედნიერები არიან ვიდრე მოურინიოსთან. პორტუგალიელი მუდმივად აკრიტიკებდა თავის ფეხბურთელებს და პოგბასთანაც ხშირი კონფლიქტით გამოირჩეოდა. მათ შორის დაპირისპირება იქამდე მივიდა, რომ პოგბას ძმამ "იუნაიტედის" წარუმატებლობა მთლიანად მოურინიოს დააბრალა.
მართალია, ფეხბურთელები ბევრად უფრო ბედნიერები ჩანან, თუმცა სოლსკიაერის განცხადებით გუნდში უთანხმოება იმის ნიშანია, რომ ფეხბურთელებს კლუბის სიტუაცია ანაღვლებთ.
"მე უკვე შევამჩნიე რომ ფეხბურთელები ერთმანეთს ძალიან კარგად უგებენ. ფანტასტიკური ატმოსფერო სუფევს ირგვლივ, რაც ყველა კლუბისთვის აუცილებელია."
"არა არის საჭირო, რომ საუკეთესო მეგობრები იყვნენ, მთავარია გუნდში ეს ატმოსფერო სუფევდეს."
"ფეხბურთელებს შორის ერთი-ორჯერ კონფლიქტი სუფევდა, მაგრამ ეს ჩვეულებრივი მოვლენაა, აქ ტრაგედია არაფერია."
"თუ ვარჯიშები მცირედი კონფლიქტით დასრულდება, არ მადარდებს, რადგან ეს ნიშნავს, რომ ისინი გამარჯვებისთვის არიან დაბადებულები და მათ გაუმჯობესება სურთ."
"თუ ვარჯიშებზე დამარცხებასა და შეცდომებს შევეგუებით, იგივე მოხდება თამაშებზეც."
"რაც შეეხება დუბაიში წამოსვლას, აქ ორი მთავარი მიზანი მქონდა - ამინდი და ბიჭების ერთად ყოფნა. აქ ისინი ვარჯიშის შემდეგ თავიანთ ცოლებსა და ბავშვებთან ვერ გარბიან. ძალიან ბევრი დრო გვაქვს ვიდეო ანალიზისა და ტაქტიკების შესამუშავებლად."
ასეა თუ ისე, სოლსკიაერის მეთოდები აქამდე ამართლებს, რადგან მისი წყალობით "იუნაიტედმა" ბოლო ხუთ მატჩში გამარჯვება მოიპოვა. ახლა კი "წითლები" "ტოტენჰემთან" სტუმრობისთვის ემზადებიან.