"მანჩესტერ იუნაიტედის" ისტორია.
მოთამაშე, მწვრთნელი, მთავარი მწვრთნელის მოვალეობის შემსრულებელი, ყველაზე ერთგული ფეხბურთელი, ლეგენდა - "მანჩესტერ იუნაიტედში" მხოლოდ რაიან გიგზი დაიკვეხნის ასეთი სინონიმებით.
1991 წლის მარტში "ევერტონთან" "იუნაიტედის" საშინაო მატჩში დენის ირვინი რომ შეცვალა, ცოტა ვინმე თუ წარმოიდგენდა, როგორი გავლენის მოხდენა შეეძლო კარდფიში დაბადებულ და სოლფორდში გაზრდილ გიგზს 23 წლის განმავლობაში როგორც ფეხბურთელს და შემდეგაც, როგორც სამწვრთნელო შტაბის წევრს.
"წითელი ეშმაკების" რიგებში გიგზმა თავისი კარიერა ბრიტანული ფეხბურთის ერთ-ერთი პერსპექტიული მომავლის მქონე ფეხბურთელის სტატუსით დაიწყო. ბავშვობიდან "იუნაიტედს" ქომაგობდა, მაგრამ მოზარდობისას "მანჩესტერ სიტიში" უთამაშია. სერ ალექს ფერგიუსონი პირადად ეწვია რაიანს სახლში, რათა დარწმუნებულიყო, რომ ახალგაზრდა ნიჭი "იუნაიტედს" ხელიდან არ დაუსხლტებოდა, როცა კონკურენტებთან გააფორმა კონტრაქტი. აღმოჩნდა, რომ შოტლანდიელის ეს გადაწყვეტილება საბედისწერო იყო.
სისწრაფე, ტექნიკა და სიმშვიდე - გიგზის თამაშის ფუნდამენტი იყო და სწორედ ეს უნარები აშინებდა მოწინააღმდეგის მცველებსა და აღაფრთოვანებდა "იუნაიტედის" გულშემატკივრებს თანაბარზომიერად. რაიანი კვირიდან კვირამდე დარბოდა მარცხენა ფლანგზე, ქმნიდა გოლეს და თავადაც იტანდა. დიდებულ ჯორჯ ბესტთან შედარება მოულოდნელი არ ყოფილა, მაგრამ უელსელმა ვინგერმა თავისი ადგილი დაიკავა საფეხბურთო ისტორიაში.
თავად გიგზი აღიარებს: "გამიმართლა, რომ ასეთ გუნდში მოვხვდი, რომელსაც კლუბის ისტორიაში ასეთი წარმატებული ეპოქა ჰქონდა". ნიჭმა და თანადროულობამ შეუწყო ხელი გიგზს ისეთი დიდებული კარიერის გაკეთებაში, მაგრამ ეს შეუძლებელი იქნებოდა, რომ არა საქმისადმი ერთგულება, დაუღალავი შრომა, სიყვარული ფეხბურთისა და კლუბისადმი, რაც შესამჩნევი იყო ყველასთვის, ვინც მთელი ამ წლების განმავლობაში აკვირდებოდა უელსელს.
სწორედ ამ უნარების ხარჯზე მოიგო გიგზმა ყველა შესაძლო საფეხბურთო ჯილდო: 2 ჩემპიონთა ლიგა, 13 პრემიერ ლიგა, 4 ინგლისის თასი, 3 ლიგის თასი, 1 საკლუბო მსოფლიო ჩემპიონატი, 1 კონტინენტთაშორისი თასი, 1 UEFA-ს სუპერ თასი და 9 ინგლისის სუპერთასი. ამასთან, რაიანმა არაერთი დაუვიყვარი მომენტი შექმნა, რაც კლუბის ისტორიაში შევიდა, როგორიც არის, მაგალითად, 1999 წლის ინგლისის თასის ნახევარფინალში "არსენალის" კარში გატანილი გოლი. ეს ბურთი - საფეხბურთო გენიის დასტურია. საბოლოოდ კი "მანჩესტერ იუნაიტედმა" ინგლისური ფეხბურთის ისტორიაში პირველი და ერთადერთი ტრებლი გაიფორმა.
დღესდღეისობით 43 წლის რაიანი სხვაგვარად იცვამს. მან იმუშავა ლუი ვან გალის სამწვრთნელო შტაბში მთავარი მწვრთნელის ასისტენტად. დროებით ხელმძღვანელობდა გუნდს 2013/14 წლების სეზონში დევიდ მოიესის წასვლის შემდეგ, ამჟამად კი უელსის ნაკრებს თავკაცობს.
"ახლაც ისევე გავცემ ყველაფერს, როგორც ფეხბურთელის კარიერის დროს", - მოგვითხრობს რაიანი. "ყველაფერი აბსოლუტურად სხვანაირადაა. უნდა ვიფიქრო როგორ მწვრთნელმა და არა, როგორც ფეხბურთელმა. ფეხბურთელი რომ ვიყავი, მინდოდა, უქმე დღეების შეჯამებისას საუკეთესო ვყოფილიყავი, ახლა კი ყოველდღე საუკეთესო ვარჯიშების ჩატარება მსურს. მინდა, რომ არა მარტო ისიამოვნონ პროცესით, არამედ ახალ დონესაც მიაღწიონ. ფეხბურთელობიდან მწვრთნელობამდე მისასვლელმა გზამ იდეალურად ჩაიარა. ვინ იცის, რა მელოდება მომავალში? მაგრამ რაც არ უნდა ვაკეთო, ვინც არ უნდა გავხდე, მსურს, საუკეთესო ვიყო, როგორც ადრეულ წლებში."
რა თანამდებობაც არ უნდა დაიჭიროს გიგზმა, ცოტა ვინმე თუ დაეჭვდება მის წარმატებაში.