”მანჩესტერთან” შეხვედრაში ჩაბი ალონსომ ითამაშა ტკივილით, როდესაც მისი დაყენების ბედი წყდებოდა, გულშემატკივარი თვლიდა, რომ უმჯობესი იქნებოდა, თუ იგი არ გავიდოდა მოედანზე. ბასკმა ფეხბურთელმა ძალიან კარგად გაართვა თავი სამუშაოს. მეტოქეს არ ჰქონდა ინფორმაცია იმის შესახებ, რომ ალონსოს ტკივილის თანხლებით უწევდა ასპარეზობა. საბოლოოდ მატჩის დასრულებამდე 10 წუთით ადრე მან მინდორი დატოვა.

მიუხედავად იმისა, რომ ადგილი ჰქონდა უხეშობას, ნახევარმცველი მაინც მყარად იდგა საკუთარ პოზიციაზე, იგი გაბატონებული იყო მოედნის ცენტრში. მიუხედავად ჯანმრთელობასთან დაკავშირებული პრობლემისა, ესპანელმა დაფარა 10.572 მეტრი იმ 84 წუთის მანძილზე, რომელიც მოედანზე დაჰყო.

გასაკვირი ნამდვილად არ არის, რომ ჟოზე მოურინიომ ფეხბურთელი შეაქო და სხვა მოთამაშეებს მოუწოდა მაგალითი აეღოთ ამ შესანიშნავი ფეხბურთელისგან.

ჩაბის პარტნიორი, სამი ხედირა ამავე დროს ცდილობდა, რომ მყარად მდგარიყო პოზიციაზე და ალონსოსთვის შეემსუბუქებინა სამუშაო. გერმანელმა 11 820 მეტრი დაფარა, რაც შესანიშნავი შედეგია. რაც შეეხება იოზილს, მან დაადასტურა, რომ შეუძლია მაღალ დონეზე თამაში დიდი კლუბებთან. მესუთმა დაფარა 11 396 მეტრი.

”იუნაიტედიდან” ამ კომპონენტში გამორჩეული იყო კერიკი. 31 წლის ფეხბურთელმა 11.696 მეტრი გაირბინა.