"მანჩესტერ იუნაიტედის" ისტორია.
სპორტში მაისურზე წარწერილი ზოგიერთი ციფრი დიდებულების სინონიმი ხდება. ზოგიერთი ნომერი, მაგალითად, მაიკლ ჯორდანის 23 და უეინ გრეტცკის 99, ხმარებიდან გადადის, როცა მათი მფლობელი კარიერას არულებს, მაგრამ "მანჩესტერ იუნაიტედის" "შვიდიანი" ერთი ვარსკვლავიდან მეორეს გადაეცემა და უფრო მნიშვნელოვნად იქცევა გუნდის ისტორიაში.
შვიდიანის პიონერები, ფეხბურთის ჯადოქრები ბილი მერედითი და ჯორჯ ბესტი პუბლიკას შვიდნომრიანი მაისურით აოცებდნენ (თუმცა, სიმართლე ითქვას, ჩრდილო ირლანდიელი უფრო ხშირად 11 ნომერს ირგებდა), მაგრამ მხოლოდ 1981 წელს ბრაიან რობსონის გამოჩენის შემდეგ შეიძინა "შვიდიანმა" თავისთავადი სიცოცხლე.
სანამ მაისურზე ნომრის დაწერას ზემოთ დაიწყებდნენ, რობსონმა 7 თავად აირჩია და ამ ციფრს დაუმატა წონა, რომელიც გუნდის კაპიტნის სტატუსით "წითელი ეშმაკების" შემადგენლობაში საოცარი კარიერის განმავლობაში შექმნა. მამაცი, ტექნიკური, გონებამახვილი და მეტოქისადმი უმოწყარო რობსონი ამ ნომერს 1993/94 წლების სეზონში ატარებდა, როცა პრემიერ ლიგაში გაჩნდა ფეხბურთელებისთვის ერთი კონკრეტული ნომრის მიმაგრების სისტემა.
როცა რობსონის კარიერა დასასრულს უახლოვდებოდა, "შვიდიანის" პირველი ხშირი მომხმარებელი ერიკ კანტონა გახდა, რომელმაც წინა წელს მიაშურა "ოლდ ტრაფორდს". "იუნაიტედში" ახალი აღმაფრთოვანებელი ეპოქა დაიწყო. ფრანგს ეს მაისური ბრაიან რობსონივით არ ეცვა: საყელო აწეული, გამოწეული მკერდით და მოწინააღმდეგ დატერორება შეტევაში და არა ცენტრში.
საფეხბურთო ოსტატობის კანტონასგან შესწავლის შემდეგ დევიდ ბექჰემი გახდა "იუნაიტედის" პირველი აღზრდილი ფეხბურთელი, რომელმაც "შვიდიანი" მოირგო; ინგლისელმა 1997 წელს ფეხბურთიდან მეფე ერიკის წასვლის შემდეგ ეულად დარჩენილი ტახტი დაიკავა. ცნობილი ადამიანის ზღაპრული ცხოვრების მოყვარულმა ბექჰემმა კლუბის შვიდ ნომერს თავისი ეშხი შემატა, ამავდროულად კი სერ ალექს ფერგიუსონის გუნდის განუყოფელი ნაწილი გახდა.
შეამჩნია რა, როგორ აყვავდა სრულიად ახალგაზრდა დევიდი კანტონას შემდეგ "შვიდიანის" მიღებით, ფერგიუსონმა გადაწყვიტა, შემდეგ გამოეყენებინა "შვიდიანის" მზარდი გავლენა, როცა ბექჰემი 2003 წელს "რეალში" გადავიდა: მაისური უშრეტ ნიჭს ერგო, რომელსაც კრიშტიანუ რონალდუ ერქვა.
ლისაბონის "სპორტინგიდან" გადასვლის შემდეგ პორტუგალიელმა 28 ნომერი მოითხოვა, რასაც ნაკრებში ირგებდა, მაგრამ მას ბექჰემის მემკვიდრეობა შესთავაზეს, რაც მსოფლიო ფეხბურთის ისტორიაში ერთ-ერთ გამორჩეულ ფეხბურთელად ჩამოყალიბებაში დაეხმარა.
2009 წელს კლუბის დატოვებისას კრიშტიანულ შესანიშნავად იცოდა, თუ რას ნიშნავდა შვიდი ნომერი "მანჩესტერ იუნაიტედის" გულშემატკივრებისთვის. როცა მისი თანაგუნდელი მადრიდის "რეალიდან" "ოლდ ტრაფორდზე" გადავიდა, კრიშტიანუმ ანხელ დი მარიას თავისი ცოდნა გაუზიარა. "ვიცოდი, რამდენად მნიშვნელოვანი იყო შვიდი ნომერი", - განაცხადა ანხელმა კონტრაქტის გაფორმებისას. "კრიშტიანუ ყველაფერს მომიყვა და მითხრა, რას ნიშნავს".