მილანურ კლუბს თავისი მიზნები აქვს.
მილანის "ინტერი" მზად არის, ივან პერიშიჩი გაყიდოს, რათა ლუკა მოდრიჩის შესაძენად საკმარისი სატრანსფერო თანხა მოაგროვოს.
"მანჩესტერ იუნაიტედი" დიდი ხანია ითვლება ხორვატის შეძენის მსურველად, მაგრამ გასულ ზაფხულს მისი გადაბირება ვერ შეძლო, მაგრამ სერია A-ს გუნდმა თავისი პოლიტიკა შეცვალა და მზად არის, ერთი ხორვატიელი მეორის შესაძენად დათმოს.
ოქროს ბურთის მფლობელ მოდრიჩს "ბერნაბეუზე" კარგი დროება არ უდგას და მოსალოდნელია, რომ სეზონის ბოლოს იგი კლუბს დატოვებს, თუმცა მადრიდის "რეალის" მთავარი მწვრთნელის პოსტი ჯერ კიდევ არ დაკავებული და ახალი მწვრთნელის მისვლამ მოდრიჩის მდგომარეობა შეიძლება შეცვალოს.
პერიშიჩი თავის მხრივ შემტევი სტილის ფეხბურთს კარგად ერგება, რაც ოლე გუნარ სოლსკიაერის ფილოსოფიას შეესაბამება, მაგრამ ნორვეგიელი აქცენტს ძირითადად ახალგაზრდებზე აკეთებს და მარკუს რეშფორდსა და ენტონი მარსიალს აძლევს თავის გამოჩენის საშუალებას, რაშიც ისინი არ აღალატებენ.
მომდევნო ზაფხულის სატრანსფერო ფანჯარა უკანასკნელი შანსი იქნება "ინტერისთვის", სარფიანი შეთავაზება მიიღოს პერიშიჩის თაობაზე და ამის საფუძველზე მედია ირწმუნება, რომ "ნერაძური" მსოფლიო ჩემპიონატის ფინალისტსთან განშორების წინააღმდეგ არ იქნება.
ივანმა მისდამი "იუნაიტედის" ინტერესი გასულ ზაფხულს უკვე დაადასტურა, მაგრამ მაშინ იტალიაში დარჩენა და კლუბისთვის დახმარება ამჯობინა.
წყარო:
dailystar