ოლე გუნარ სოლსკიაერი დაცვის ხაზის გაძლიერებას გეგმავს და "რომას" ცენტრალური მცველი მისი ერთ-ერთი მთავარი სამიზნეა სერია A-ში მოასპარეზე სხვა მცველებთან ერთად.
იტალიური გაზეთების ცნობით, პრემიერ ლიგის კლუბი უკვე შეხვდა "რომას" წარმომადგენლებს ბერძენი ვარსკვლავის ტრანსფერის თაობაზე მოსალაპარაკებლად.
"იუნაიტედს" კონტრაქტის გამოსყიდვის ოპციის ამოქმედება სურს, თუმცა ის ძალაში მხოლოდ მომდევნო ზაფხულს შევა.
მანოლასმა გასული წლის სატრანსფერო ფანჯრის მიმდინარეობისას უკვე აღნიშნა, რომ "წითლების" რიგებში თამაშით დაინტერესებულია: "ბუნებრივია, რომ გსურს ისეთი დიდი კლუბების შემადგენლობაში თამაში, როგორიც "ბარსელონა", "მანჩესტერ იუნაიტედი", "პარი სენ-ჟერმენი" და "ბაიერნი" არიან.
ვფიქრობ, გარკვეული ცვლილების შეტანას შევძლებ, სადაც არ უნდა წავიდე, თუნდაც "ბარსელონაში", თუმცა მათთან არასდროს მისაუბრია ამის შესახებ".
"რომას" მოლოდინით, მანოლას კლუბში სეზონის დასრულებამდე დარჩება, თუმცა "სამპდორიას" ფეხბურთელის, იოახიმ ანდერსენის სახით მისი შემცვლელი უკვე იპოვეს.