"მანჩესტერ იუნაიტედის" ისტორია.
2012/13 წლების სეზონი არა მარტო სარეკორდო მე-20 ტიტულით დაამახსოვრდა "იუნაიტედის" გულშემატკივარს, არამედ ბრიტანული ფეხბურთის ისტორიაში ყველაზე ტიტულოვან მწვრთნელთან განშორებითაც.
2013 წლის 8 მაისს, მანჩესტერში გატარებული 26 სეზონის განმავლობაში მოპოვებული 28-ე ტიტულიდან 2 კვირაში სერ ალექს ფერგიუსონმა დაადასტურა სამწვრთნელო საქმიანობიდან წასვლის შესახებ გავრცელებული ინფორმაცია: "ეს შესაბამისი დროა". დღე, რომლისაც "იუნაიტედის" ყველა ქომაგს ეშინოდა, მაინც დადგა, მაგრამ გლოვის დრო არ იყო. ამის მაგივრად აუცილებელი იყო შეუდარებელი წარმატების მქონე მწვრთნელთან განშორებისთვის მომზადება. წასვლის შესახებ გაცხადებიდან 4 დღის შემდეგ "ოლდ ტრაფორდს" "სუონსი" ეწვია. მატჩი საკმაოდ დაძაბული გამოდგა. რიო ფერდინანდმა გამარჯვების გოლი გაიტანა და ბოსის უკანასკნელ საშინაო შეხვედრაში, რომლის შემდეგაც მწვრთნელმა ბოლომდე სავსე სტადიონზე ხალხს მიმართა, ჩვეული შედეგი დააფიქსირა.
"მადლობას ვუხდი "მანჩესტერ იუნაიტედს", არა მარტო დირექტორებს, არა მარტო სამედიცინო შტაბს, სამწვრთნელო შტაბს, ფეხბურთელებსა თუ გულშემატკივრებს... არამედ თქვენ ყველას. თქვენ ჩემი ცხოვრების ყველაზე საოცარი გამოცდილება ხართ", მიმართა ფერგიუსონმა "ოლდ ტრაფორდზე" შეკრებილ პუბლიკას. "ძალიან გამიმართლა. რომ დავუფიქრდე ბოლო წუთებზე გატანილ გოლებს, ქამბექებს, წაგებებსაც კი - ჩვენი დიდებული კლუბის ნაწილი იყო. თითოეული ჩვენგანისთვის დაუჯერებელი გამოცდილება იყო და ამის გამო თითოეული თქვენგანის მადლობელი ვარ".
სიტყვები "ფერგიუსონის თეთრ-წითელი არმია" და "ყველას გვიყვარს ალექს ფერგიუსონი" ოცნების თეატრის მიდამოებში დაირხა: გულშემატკივართა ემოციური დამშვიდობება ადამიანთან, რომელმაც ასე შეცვალა მათი კლუბი. თითქოს შეუძლებელი იყო სერ მეტ ბასბის შედეგების გამეორება, მაგრამ ფერგიუსონმა საკუთარი თავის ძიებაში მყოფი გუნდი ჩაიბარა და ის არა მარტო დიდებული გახადა, არამედ ახალ სიმაღლეზე აყვანაც შეძლო.
გასაოცარი ადამიანი და მწვრთნელი, დიდებული ტაქტიკოსი, გამარჯვებისთვის დაბადებული. მან "იუნაიტედი" ინგლისის მთავარ ძალად, ტიტულების მაგნიტად და უბადლო სპორტულ ორგანიზაციად აქცია. თავისი ფეხბურთელებისთვის ფერგიუსონი მუდამ საუკეთესოდ დარჩება.
"ის მოიცავს ყველაფერს, რის პოვნაც მწვრთნელში გწადია", - ამბობდა გარი ნევილი. "მოედანზე გამოსული ყველა ფეხბურთელი ამავდროულად განასახიერებს მის ხასიათს, საქმისადმი მიდგომას. გაზონზე ყოველ ჯერზე მისი 11 ვერსია ჩნდება. ის შთაგონებაა."
ამ შთაგონებამ მატერიალური ასახვაც ჰპოვა - "ოლდ ტრაფორდის" მახლობლად აღმართული ქანდაკება. 2011 წელს, როცა "იუნაიტედის" მთავარი მწვრთნელის პოსტზე ყოფნის 25 წლის იუბილე აღინიშნებოდა, შოტლანდიელის ბრინჯაოს ქანდაკება ჩრდილოეთ ტრიბუნის მახლობლად დაიდგა, რომელსაც თავის მხრივ დიდი მწვრთნელის სახელი ეწოდა.
მაგრამ გარკვეულწილად ესეც არ არის საკმარისი. ძეგლი და სიტყვები თითქმის აღწევენ მიზანს, მაგრამ ისინიც კი ვერ ასახავენ სრულად სერ ალექს ფერგიუსონის გავლენას "მანჩესტერ იუნაიტედზე". ამის შეგრძნების საუკეთესო გზა გრძნობის სამუდამოდ გულში, გონებასა და ბედნიერ მოგონებებში ასახვაა, რაც დაკავშირებული იქნება კლუბთან, რომელსაც უდიდესი საფეხბურთო მწვრთნელი ედგა სათავეში.