დღეს "იუნაიტედის" ძირითად შემადგენლობაში ტაჰიტ ჩონგის დებიუტი შედგა. 19 წლის ახალგაზრდა სტადიონზე მეორე ტაიმში, 62-ე წუთზე შემოვიდა და ხუან მატა ჩაანაცვლა. ჩონგის განცხადებით, ეს საამაყო მომენტი იყო მის ცხოვრებაში და ბევრ მუშაობას განაგრძობს, რათა მეტი სათამაშო დრო მიიღოს.

"ეს განსაკუთრებული მომენტი იყო და ამაზე მეტ სიამოვნებას უბრალოდ ვერ მივიღებდი. ბოსმაც სწორედ ეს მითხრა - "უბრალოდ ისიამოვნე, ყველა ბურთისთვის იბრძოლე, ეცადე მაქსიმალურად ბევრჯერ შეეხო ბურთს და უბრალოდ ისიამოვნე თამაშით."

"ვფიქრობ, ეს საამაყო მომენტია. შენ ძალიან ბევრს მუშაობ იქ მოსახვედრად და კლუბი გეხმარება და შანსს გაძლევს, ასე რომ ეს საამაყროა. დედაჩემი და მამაჩემი სტადიონზე იყვნენ ჩემს საყურებლად. ძალიან ბედნიერი ვარ, რომ ისინი მატჩს დაესწრნენ."

"ვეცადე, რომ მაქსიმალურად ჩავრთულიყავი თამაშს და ტემპისთვის ფეხი ამეყოლებინა. რამდენიმეჯერ ბურთს შევეხე, ასე რომ ყველაფერი ძალიან კარგად განვითარდა. საოცარი იყო სტადიონზე დგომა. მე მუშაობას გავაგრძელებ და როცა ისევ მომეცემა დრო უბრალოდ მაქსიმალურად გამოვიყენებ მათ."

"ვფიქრობ, რომ მენეჯერმა ძალიან ბევრი რამე შეცვალა გუნდში მოსვლის შემდეგ. ის ბრწყინვალედ მუშაობს. მხოლოდ ჩემი დებიუტი არ შემდაგარა პირველ გუნდში, გომესსაც მიეცა შანსი. ახალგაზრდებისთვის ეს ძალიან კარგია. ხედავ, რომ შანსი არსებობს და უფრო მეტ მუშაობას განაგრძობ, რათა შენც გახდე "იუნაიტედის" ნაწილი. ჩემ ირგვლივ ყველა უფრო მეტს მუშაობს რადგან იციან, რომ ეს შედეგს გამოიღებს. კარგია ამ ყველაფრის შეგრძნება. მეტი შესაძლებლობები გვაქვს," - დაასრულა ჩონგმა.


წყარო: ManUtd.com