ოლე გუნარ სოლსკიაერმა ტაჰიტ ჩონგის შესახებ ისაუბრა. მისი აზრით, ჩონგის მოედანზე შემოსვლამ გულშემატკივრები გაახალისა. ჩონგი 229-ე აკადემიელია "იუნაიტედის" ისტორიაში, ვისი დებიუტიც პირველ გუნდში შედგა.
ნიდერლანდელ ვინგერს გულშემატკივარმა გულთბილი დახვედრა მოუწყო და შემდეგი ჩანტით შეხვდა: "We've only got one Chong".ჩონგის თამაშით მთავარი მწრთვნელი მოხარული დარჩა. "მას ორი თუ სამი ძალიან ძალიან კარგი მომენტი ჰქონდა. მისი თამაში 19 წლის ფეხბურთელის დებიუტს არ ჰგავდა. გულშემატკივარიც მის გვერდში იდგა. ორი ისეთი მოძრაობა გააკეთა, რომ ყველა მიხვდებოდა როგორი მომავალი აქვს მას. ის ვარჯიშებზე ბოლომდე იხარჯება ხოლმე, იგივე გააკთა სტადიონზეც. ვერ ვიტყვი, რომ როცა ჩონგი სტადიონზე შევიყვანე თამაში უკვე დასრულებული იყო. საქმე ჯერ კიდევ იყო დარჩენილი. ჩვენ 2-0-ს ვიგებდით და არა 4-0-ს, ასე რომ ჩონგს რაღაცის დასამტკიცებლად დრო ჰქონდა. მან დაცვის მხრივაც კარგად ითამაშა და ვფიქრობ, რომ მას ეს მატჩი ძალიან დიდი ხნის განმავლობაში ემახსოვრება."
სოლსკიაერმა ძირითად შემადგენლობაში ცხრა ცვლილება განახორციელა, რაზეც მატჩის შემდგომ ისაუბრა: "გუნდის არჩევა ყოველთვის ძალიან რთულია. ვფიქრობ, დღევანდელი არჩევანით ფეხბურთელებს საქმე გავურთულე, რადგან ამ შემადგენლობას ერთად არასდროს უთამაშია. დარმიანსაც სხვა პოზიციაზე ვათამაშე და ვფიქრობ, დავალებას საოცრად გაართვა თავი."
"რედინგმა" კარგი მატჩი ჩაატარა და რამდენიმე პრობლემა შეგვიქმნა. პირველი ხუთი წუთის განმავლობაში დარტყმაც კი ვერ მოვახერხეთ. ისინი კარგად აკონტროლებდნენ თამაშს და ჩვენ პრესინგი საკმარის დონეზე ვერ განვახორციელეთ. მაგრამ ეს ბუნებრივია, როცა ფეხბურთელები შეთამაშებული არ არიან. ჩვენ ამაზე სამუშაოდ დრო არ გვქონია."
"სასიამოვნო ფაქტია ის, რომ კარი კვლავ მშრალად შევინახეთ. მეორე გოლმა განსაკუთრებით მომხიბლა, ეს უბრალოდ ბრწყინვალე იყო. ალექსის სანჩესმა და რომელუ ლუკაკუმ ძალიან კარგად ითამაშეს. მათმა ინდივიდუალიზმმა შექმნა ყველაფერი, რაზეც მოხარული ვარ."
"რაც შეეხება მატას გოლს, ეს ვიდეო მსაჯის წყალობით გადაწყდა. მატა ომარ რიჩარდსმა წააქცია და დიდი კვლევის შემდეგ მსაჯმა პენალტი დაგვიდო."
"იმ ადგილიდან სადაც ვიჯექი სუფთა პენალტი ჩანდა. ვფიქრობ, ამის დასადგენად ვიდეო მსაჯი საერთოდ არ იყო საჭირო. ვფიქრობ, ეს მაინც იმის დასადგენად გამოიყენეს იყო თუ არა თამაშგარე წინა ეპიზოდში. მატას თამაშით მოხარული ვარ, მან ყველაფერი იდეალურად გააკეთა."