"მანჩესტერ იუნაიტედის" მენეჯერმა ახსნა თუ რატომ მიჰყავს გუნდი სავარჯიშოდ დუბაიში ამ შაბათ-კვირას. "წითლები" იმედოვნებენ, რომ "რედინგთან" მოგებების სერიას განაგრძობენ და შემდეგ "ტოტენჰემთან" მატჩისთვის თბილ ამინდებში მოემზადებიან. "იუნაიტედი" იმავე სავარჯიშო კომპლექსს გამოიყენებს, რომელსაც გასულ წელს ეწვია.
"მე ისინი კარგად გავიცანი, რადგან საკმარისზე მეტი დრო მქონდა მათთან სალაპარაკოდ. თუმცა სავარჯიშოდ იმდენი დრო ვერ გამოვყავით, რამდენიც მე მჭირდებოდა."
"ამ დროს ჩვენ მთლიანად სავარჯიშოდ გამოვიყენებთ. ყველა დატვირთული იქნება. თუ რომელიმე მათგანი ფიქრობს, რომ დასასვენებლად მიმყავს, ძალიან ცდებიან. იქ იმისთვის მივდივართ, რომ ერთ გუნდად შევიკრათ, ფიზიკურ მომზადებაზე ბევრი ვიმუშავოთ და, რა თქმა უნდა, "ტოტენჰემისთვის" მოვემზადოთ."
"წითლებს" დატვირთული პერიოდი ჰქონდათ. მათთვის დუბაიში გამგზავრება ახლა ძალიან მნიშვნელოვანია. ოლეს სურს, რომ ყველა მათგანი ისე თამაშობდეს, როგორც სურს, დუბაის ვარჯიშები კი კარგი შანსია ამისათვის.
"მე ძალიან დიდ სიამოვნებას ვიღებ მათთან თამაშით. მათ სურთ რომ ისწავლონ, გაუმჯობესდნენ და ეს არის სწორედ თითოეული ფეხბურთელის წარმატების მთავარი გზა. თუ თავმდაბლობასთან ერთად იმასაც გრძნობთ, რომ თქვენში არის რაღაც ისეთი, რისი გაუმჯობესებაც შეგიძლიათ და თუ ამაზე ბევრს იმუშავებთ მაშინ სასურველ შედეგს მიაღწევთ და გუნდსაც გამოადგებით."