გარი ნევილს სჯერა, რომ "მანჩესტერ იუნაიტედი" უკეთესი გუნდია პოლ პოგბასთან ერთად, თუმცა ჟოზე მოურინიოს დათხოვნის შემდეგ პოგბას მოქმედებები იმედგაცრუებულს ტოვებს.

პოგბა ოლე გუნარის მოსვლის შემდეგ ცენტრალურ ფიგურად იქცა. სამ თამაშში ოთხი გოლი გაიტანა და თვის საუკეთესო მოთამაშედაც დასახელდა. თუმცა ნევილის განწყობა არ იცვლება.

"ყველა ყოველთვის პოლ პოგბაზე ახდენს კონცეტრირებას. მე მხოლოდ ერთი პრობლემა მქონდა მასთან და ეს იყო მოურინიოს დათხოვნის შემდეგ გამოქვეყნებული პოსტი სოციალურ ქსელში. პოსტი, ჩემი აზრით, მოურინიოსადმი უპატივცემულობას გამოხატავდა, პოლ პოგბას კი ეს არ უარყვია."


"ჩვენ ყველამ ვიცით, რომ ეს არც კლუბისგან წამოვიდა და არც "ადიდასისგან". ეს პოლ პოგბასგან იყო. ჩემი გადმოსახედიდან კი ძალიან იმედგაცრუებული ვარ, რადგან მან უპატივცემულობა გამოიჩინა მის მიმართ, ვინც სამსახური დაკარგა."

"არამგონია, რომ იმაზე უფრო ცუდი სიტუაცია არსებობდეს, ვიდრე ფეხბურთელის მხრიდან ვიღაცის უპატივცემულობა. არსებობს რაღაც ხაზი, რაც არ უნდა გადაკვეთო. არ შეიძლება ყველაფრის დავიწყება, რაც წარსულში მოხდა."

"მე ყოველთვის ვამბობდი, რომ "მანჩესტერ იუნაიტედი" პოგბასთან ერთად გაცილებით უკეთესი გუნდია. ის ახლა ზუსტად ისე თამაშობს როგორც საჭიროა, რაც გუნდისთვის დიდი პლიუსია, რადგან ის უდიდესი ფეხბურთელია," - დაასრულა გარი ნევილმა.


წყარო: M.E.N.