სერ ალექს ფერგიუსონი "Aon"-ის სავარჯიშო კომპლექსს ეწვია ოლე გუნარის გასამხნევებლად. როგორც ყოველთვის, "მანჩესტერ იუნაიტედის" ლეგენდარული მწრთვნელი გასულ მატჩებზეც იმყოფებოდა. შოტლანდიელის გავლენა ნორვეგიელზე აშკარაა. სოლსკიაერმა ძალიან ბევრი ისწავლა ყოფილი მწრთვნელისგან.
"დიახ, რა თქმა უნდა, მე მას გასულ კვირაში ვესაუბრე, თუმცა ეს მთავარი არ არის. მე მასთან ერთად 15 წელი გავატარე და, რა თქმა უნდა, გავლენა ძალიან დიდია. სწორედ ამ თხუთმეტმა წელა მოახდინა გავლენა და არა იმ კონკრეტულმა ერთმა საუბარმა. მე მუდმივი კავშირი მაქვს მასთან. ფერგიუსონი შაბათს გვეწვია და ვფიქრობ, ისიამოვნა კიდეც სავარჯიშო კომპლექსზე ყოფნით."
"ის მე და დანარჩენ სამწრთვნელო შტაბს გაგვესაუბრა და გაგვახმნევა. მან იცის, რომ თითოეული ჩვენგანი ყველაფერს გავაკეთებთ რაც შეგვეძლება, რათა გუნდს წარმატება მოვუტანოთ. ბოლო წუთამდე ვიბრძოლებთ და "მანჩესტერ იუნაიტედისთვის" მაქსიმუმს გავაკეთებთ."
"წითლები" ამჟამად ზუსტად ისე თამაშობენ, როგორც "იუნაიტედს" ჩვევია. "ეშმაკუნები" მუდმივად უტევენ, თუმცა დაცვის პრობლემები ჯერ კიდევ მოსაგვარებელია.
"მინდა, რომ სანამ აქ ვარ "იუნაიტედმა" ამ გზით განაგრძოს თამაში. რა თქმა უნდა, წინ უფრო რთული პერიოდი გველის. "ნიუკასლთან" სრულიად განსხვავებული მატჩის ჩატარება მოგვიწევს. არასდროს მოგვწონდა მათთან გასვლაზე თამაში. წინასწარ ვიცი, რომ რთული მატჩი გველის და აუცილებელია, რომ კარი მშრლად შევინახოთ. ეს ჯერჯერობით ვერ მოვახერხეთ. ბევრ რამეზე გვაქვს სამუშაო და ბევრი რამ გვაქვს გამოსასწორებელი. თუმცა შეტევაში ყველაფერი იდეალურადაა და სწორედ ასე მინდა, რომ "იუნაიტედმა" განაგრძოს თამაში."
"ეს სპორტი ასეთია, ყოველთვის იმ შედეგს ვერ იღებ, რასაც იმსახურებ. თუმცა ყველა თამაშში აუცილებელია, რომ კარგი მატჩი აჩვენეო და ლამაზი ფეხბურთი ითამაშო. როდესაც სწორად წარმართავ თამაშს, უმეტეს შემთხვევაში იმას მიიღებ, რაც ასე ძალიან გსურს."
"მე სახლში ვარ. ჩემი ცხოვრებისა და კარიერის 15 წელი აქ გავატარე. ეს კლუბი ყველაფერია ჩემთვის. ეს ჩემი სახლია. როცა დერეფნებში დავდივარ და ამ სახეებს ვუყურებ. ეს მე ვარ, აქ ძალიან კომფორტულად ვარ. თქვენზეა ჩემი შეფასება. თქვენზეა დამოკიდებული მიიჩნევთ თუ არა "ოლდ ტრაფორდს" ჩემს სახლად, მაგრამ ამ მომენტში მე ასე ვგრძნობ თავს, საოცარ სიამოვნებას ვიღებ და სახლში დაბრუნება ძალიან მიხარია,"- დაასრულა სოლსკიაერმა.