ჟოზე მოურინიოს წასვლით, გუნდს თითქოს მოეხსნა ის ფსიქოლოგიური წნეხი რაც მანამდე ჰქონდა. აშკარაა სოლსკიაერის გუნდში დანიშვნავ ყველაფერი რადიკალურად შეცვალა. "იუნაიტედის" ყველა გულშემატკივრისა თუ ფეხბურთელის სახეზე ღიმილი დაბრუნდა, პოზიტიური განწყობა დაუბრუნდა სერ ალექს ფერგიუსონს, რომელიც პორტუგალიელის მწვრთნელობისას ხშირად შეუნიშნავთ ტრიბუნაზე მოწყენილი სახით. ამის მიზეზი ნამდვილად იყო.

ოლე გუნარ სოლსკიაერის თაოსნობით, "მანჩესტერ იუნაიტედმა" ზედიზედ მესამე გამარჯვება მოიპოვა. ყველაფრის დასაწყისი "კარდიფი" იყო, ინგლისურმა გრანდმა მეტოქე სტუმრად, გამანადგურებელი ანგარიშით 1-5 დაამარცხა. შემდეგ იყო "ჰადერსფილდი", რომელიც დამაჯერებლად დამარცხდა "ოლდ ტრაფორდზე", 30 დეკემბერი კი "ბორნმუთის" განადგურების დღედ გადაიქცა - ანგარიშით 4-1. "იუნაიტედის" დაბრუნების მთავარ ინდიკატორად, თამამად შეიძლება ჩაითვალოს, გუშინდელ მატჩზე დამსწრები, გუნდის ლეგენდის - სერ ალექს ფერგიუსონის სახე, რომელიც მისივე სახელობის ტრიბუნაში მომღიმარი სახით აღნიშნავდა, თავისი ყოფილი გუნდის გამოღვიძებას.



"მანჩესტერ იუნაიტედში, ჟოზე მოურინიოს უკანასკნელ მატჩზე, სადაც "წითლები" 3-1 დამარცხდნენ, ფერგიუსონი ძალიან მოწყენილი იმყოფებოდა "ენფილდის" ტრიბუნაზე.



შეგახსენებთ, რომ სერ ალექს ფრგიუსონი ყოფილი შეგირდის დახმარებას კვლავ განაგრძობს. სოლსკიაერის მთავარ მრჩევლად სწორედ შოტლანდიელი სპეციალისტი დაინიშნა. არსებობს მოსაზრება იმის შესახებ, რომ სწორედ ფერგიუსონმა ურჩია გლეიზერებს გუნდში ნორვეგიელის მოყვანა.

დღეს ფერგიუსონს 77 წელი შეუსრულდა, ლეგენდა იუბილარია!

წყარო: sports