"მანჩესტერ იუნაიტედმა" წლის ბოლო შეხვედრა "ოლდ ტრაფორდზე" "ბორნმუთის" წინააღმდეგ გამართა, სადაც "წითელმა ეშმაკებმა" მეტოქე 4-1 დაამარცხეს.

სოლსკიაერის გუნდმა ანგარიში პირველივე წუთებზე გახსნა, მარკუს რეშფორდის ბრწყინვალე თამაშის შემდეგ პოლ პოგბამ "იუნაიტედი" დააწინაურა. 33-ე წუთზე ფრანგმა ნახევარმცველმა ანგარიში ორამდე გაზარდა და ზედიზედ მეორე მატჩში დუბლი შეასრულა. ასეთი შედეგი "იუნაიტედში" ბოლოს უეინ რუნიმ 2012 წელს დააფიქსირა. პირველი ნახევარის მიწურულს მარსიალის გადაცემით რეშფორდმა ისარგებლა და სხვაობა სამამდე გაზარდა. "ბორნმუთმა" პრესტიჟის გოლი პირველი ტაიმის დამატებით წუთზე გაიტანა, თავი აკემ გამოიჩინა.

მეორე ტაიმი კვლავ მანჩესტერელთა უპირატესობით წარიმართა. 70-ე წუთზე შეცვლაზე შემოსულმა ლუკაკუმ პოგბას გადაცემით ისარგებლა და მატჩის საბოლოო ანგარიში დააფიქსირა.

აღსანიშნავია, რომ სოლსკიაერი "მანჩესტერ იუნაიტედის" მესამე მწვრთნელი გახდა მეტ ბასბისა და ჟოზე მოურინიოს შემდეგ, რომელმაც თავისი პირველი სამი მატჩი მოიგო.