პოგბამ ორი გოლი გაიტანა "ბორნმუთის" კარში, ხოლო შემდეგ ასისტი გააკეთა. საერთო ჯამში კი სოლსკიაერის მოსვლის შემდეგ სამ თამაშში ოთხი გოლი და სამი ასისტი მიითვალა.

"პოგბა უმაღლესი, უმაღლესი დონის ნახევარმცველია. ის ყველგანაა. საჯარიმოში მისი შესვლა მოწინააღმდეგეს აშინებს, მეორე სართულზე ბრძოლებს იგებს, ბურთს მუდმივად აკონტროლებს. ის უბრალოდ საოცარია. მისი შეხება, მისი პასები, მოძრაობა... შესანიშნავ ფეხბურთს თამაშობს!"

"პოგბამ იცის, რომ როცა ასე თამაშობს ის უბრალოდ საუკეთესოა. მან მხოლოდ ერთი მომენტი გააფუჭა, სადაც ოდნავ მეტის გაკეთება შეეძლო, მაგრამ დანარჩენ შემთხვევებში ის მოწოდების სიმაღლეზე იყო, ამაზე უკეთ უბრალოდ ვერ ითამაშებდა."

"როგორც ყველა ფეხბურთელს ვუთხარი, მე მინდა რომ მათგან საუკეთესო მივიღო. მინდა, რომ მათ მაქსიმალური სიამოვნება მიიღონ თამაშისგან და გამოხატონ თავისი თავი. ვფიქრობ, რომ ყველამ უმაღლეს დონეზე ითამაშა."

სოლსკიაერის მოსვლის შემდეგ "იუნაიტედმა" სამ თამაშში 9 ქულა მოიპოვა და 12 გოლი გაიტანა.

წყარო: M.E.N.