ოლე გუნარის განცხადებით, "იუნაიტედი" გუნდის შენებას პოლ პოგბას გარშემო დაიწყებს. სოლსკიაერის პირველ ორ მატჩში პოლ პოგბა მთავარი ვარსკვლავი იყო. მის სახელზე ორი გოლი და ორი საგოლე გადაცემაა.
"ვფიქრობ, პოლი უმაღლესი დონის ფეხბურთელია. ის ერთ-ერთი საუკეთესოა მსოფლიოში. მას ძალიან დახვეწილი მოძრაობები აქვს, საოცარ შეტევებს ახორციელებს. მეორე სართულზე ბრძოლაშიც ძალიან კარგია."
"ისიც სხვებივით ყველაფერს აკეთებდა ქულების მოსაპოვებლად. ძალიან კარგი განწყობით შეხვდა ორივე თამაშს. ბოლომდე დაიხარჯა და მატჩების დასასრულში დაღლილი იყო. უმაღლესი კლასის თამაშები ჩაატარა. ჩვენ, რა თქმა უნდა, გუნდის შენებას მის ირგვლივ დავიწყებთ, მაგრამ ეს იმას არ ნიშნავს, რომ სხვა მაღალი დონის ფეხბურთელი არ გვყავს."
პრესაში ბევრი იწერება იმის შესახებ, რომ პოგბას უკეთესი თამაში ოლე გუნარის დამსახურებაა, რაზეც სოლსკიაერმა შემდეგი პასუხი გასცა:
"მე ფეხბურთელების თამაშის ხარისხს ვერ ვცვლი. ეს თავად პოგბამ გააკეთა. რა თქმა უნდა, მე ყველა მათგანს ვესაუბრები ენტონისაც, რომელუსაც, ალექსისსაც... ჩემი მოვალეობა მათი სწორ გზაზე დაყენებაა, თუმცა დანარჩენი მათზეა. მხოლოდ და მხოლოდ მათზეა დამოკიდებული, როგორ მოიქცევიან მოედანზე."
"მხოლოდ მათზეა დამოკიდებული როდის მიიღებენ შანსს. ასე ხდება ფეხბურთში, ყველაფერი შენით და შენი თავის იმედად უნდა გააკეთო. მე მათ მივეცი რამდენიმე მითითება საკუთარი თავის გამოხატვასა და ამ გამოხატვის ფარგლების შესახებ, თუმცა კონკრეტულად ვერ ვასწავლი ამა თუ იმ პოზიციაზე როგორ უნდა მოიქცნენ."
"ისინი აქ უმიზეზოდ არ არიან. მხოლოდ მათზეა დამოკიდებული გამოიყენებენ თუ არა მათ წარმოსახვასა და კრეატიულობას მოედანზე, მისცმენ თუ არა საკუთარ თავს უფლებას ისიამოვნონ ფეხბურთით. ეს მათი ცხოვრების საუკეთესო პერიოდია, ასე რომ ვნახოთ ვინ როგორ გამოიყენებს."