1958 წლის 6 თებერვალს "მანჩესტერ იუნაიტედი" შოკისმომგვრელმა ტრაგედიამ მოიცვა. "ცრვენა ზვეზდასთან" მოგებისა და ზედიზედ მეორედ ევროპის ჩემპიონთა თასის ნახევარფინალში გასვლის შემდეგ მეტ ბასბის გუნდი მიუნხენში გაჩერდა ავზში საწვავის შესავსებად. აფრენის ორი წარუმატებელი მცდელობა, მესამე კი ტრაგედიით დასრულდა.
მეკარე გარი გრეგი იხსენებს, როგორც ცდილობდა ავიაკომპანია British European Airways-ის თვითმფრინავი ასაფრენი ბილიკის დატოვებას. "ილუმინატორში ვიყურებოდი, როგორ წამოიწია საბურავები მიწიდან. შემდეგ ბახ! უცაბედი დაცემა და ყველა მხრიდან ნამსხვრევები მოდიოდა ჩემკენ. ნათება ერთ წამში სიბნელემ შეცვალა. არავინ ყვიროდა: სიჩუმე, რომელშიც მეტალის საშინელი ტკაცანი ისმოდა. რაღაც ისე მომხვდა თავში, როგორც ლაყე კვერცხი. დარტყმა წინიდან მოხდა. პირში მარილიანი სისხლის გემოს ვგრძნობდი. შემეშინდა თავზე ხელის მოკიდება. ქაოსი უდრტვინველმა სიჩუმემ შეცვალა, რომელიც მხოლოდ დაუსრულებელმა რწევამ დაარღვია. ირგვილ სიბნელე გამეფებულიყო, თითქოს ყველაფერი გაჩერდა."
თვითმფრინავი ასაფრენი ბილიკიდან ვერ აფრინდა, გაუმართაობის შემდეგ კი შენობას შეეჯახა. გრეგმა და მცველმა ბილ ფოულკსმა თვიმფრინავიდან დაშავებულთა გამოყვანა შეძლეს, სხვებს კი ნაკლებად გაუმართლათ. 44 მგზავრიდან 21 ადამიანი მაშინვე დაიღუპა, მათ შორის კი იყვნენ 7 ფეხბურთელი და სამწვრთნელო შტაბის 3 წევრი.
დაღუპული ფეხბურთელები იყვნენ ჯეფ ბენტი (25 წლის), როჯერ ბერნი (28 წლის), ედი კოლმანი (24 წლის), დევიდ პეგი (22 წლის), ტომი ტიელორი (26 წლის) და ლიამ უილანი (22 წლის), სამწვრთნელო შტაბმა დაკარგა გუნდის მდივანი უოლტერ კრიკმერი, მწვრთნელი ტომ კარი და უფრო მწვრთნელი ბერტ უოლი. გარდაიცვალა რვა ჟურნალისტი: ალფ კლარკი, ტომ ჯექსონი, დონ დეივისი, ჯორჯე ფელოუზი, არჩი ლედბრუკი, ერიკ ტომპსონი, ჰენრი როუზი და "მანჩესტერ სიტის" ყოფილი მეკარე ფრენკ სვიფტი. სხვა გარდაცვლილთა შორის არიან ტურისტული აგენტი ბელ მიკლოში და ბორტგამცილებელი ტომ ქეიბლი, ასევე მეტ ბასბის მეგობარი ვილი სატინოვი.
მეტ ბასბის, დუნკან ედვარდსისა და ჯონი ბერის გადარჩენის შანსები 50/50 ფასდებოდა. კენ რეიმენტი, მეორე პილოტი საავადმყოფოში მიყვანიდან 3 კვირაში გარდაიცვალა, მიუხედავად სიცოცხლისთვის ხანგრძლივი ბრძოლისა. ავიაკატასტროფიდან 2 კვირაში დაიღუპა დუნკან ედვარდსიც. ბასბი, რომელმაც ორჯერ გაიარა სასულიერო რიტუალები ტრავმებზე მკურნალობის პროცესში, გადარჩენისა და სიცოცხლის სურვილისთვის იბრძოდა. "გადავრჩი, მაგრამ ჩემი სიცოცხლე ბეწვზე ეკიდა. სიკვდილი მინდოდა".
საოცარი, მებრძოლი სულისკვეთებით სავსე ახალგაზრდა გუნდი მიუნხენში დაიღუპა. მაგრამ ბასბი არ ნებდებოდა და მის პოზიციას იზიარებდა "მანჩესტერ იუნაიტედიც".
სტატიები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.