"მანჩესტერ იუნაიტედის" ლეგენდამ, ამჟამად კი უელსის ეროვნული ნაკრების მთავარმა მწვრთნელმა რაიან გიგზმა, რომელიც გუშინდელ გამართულ შეხვედრას "ოლდ ტრაფორდზე" ესწრებოდა, ჟურნალისტებისთვის მიცემულ ინტერვიუში განაცხადა, რომ "იუნაიტედის" თამაშებში რეალური პოზიტივი იგრძნობა.
"ეს იყო ოლეს პირველი საშინაო მატჩი, ის პოზიტივი რაც მან "კარდიფთან" გამართულ შეხვედრაში შემოიტანა, გაგრძელდა. პოგბამ გოლების გატანა დაიწყო, დე ხეა უფრო საიმედო გახდა, რეშფორდი მატჩიდან მატჩამდე იზრდება და უკეთესი ხდება.
გუნდის თამაშებში არის რეალური პოზიტიური და დადებითი მომენტები". - ციტირებს Manchester Evening News - რაიან გიგზის სიტყვებს.
შეგახსენებთ, რომ ოლე გუნარ სოლსკიაერის თაოსნობით, "მანჩესტერ იუნაიტედმა" რიგით მეორე შეხვედრაში მოიპოვა დამაჯერებელი გამარჯვება. "წითელი ეშმაკები სატურნირო ცხრილში მეექვსე ადგილს 32 ქულით იკავებენ, ოთხეულთან ჩამორჩენა 8 ქულას შეადგენს.