პრემიერ ლიგის მეცხრამეტე ტურში, "მანჩესტერ იუნაიტედმა" შინ "ჰადერსფილდს" უმასპინძლა და მოწინააღმდეგე დამაჯერებელი ანგარიშით 3-1 დაამარცხა.

ერთ - ერთი გოლის ავტორი, "წითელი ეშმაკების" სერბი ფეხბურთელი ნემანია მატიჩი გახდა, რომელმაც "წითლები" შეხვედრის 28 - ე წუთზე დააწინაურა. მატჩის შემდეგ, ნახევარმცველი ჟურნალისტებისთვის მიცემულ ინტერვიუში თამამ განცხადებებსაც არ მოერიდა და განაცხადა, რომ "იუნაიტედისთვის" ფრე და მითუმეტეს წაგება მიუღებელია.

" "კარდიფთან" ჩატარებული მატჩის შემდეგ, თითოეულ ჩვენგანს მეტი თავდაჯერებულობის განცდა გაგვიჩნდა. მნიშვნელოვანია გაიმარჯვო საშინაო მატჩებში, დააბრუნო ღიმილი შენი გულშემატკივრების სახეებზე.

"მანჩესტერ იუნაიტედი" არ მიიღებს ფრეს და მითუმეტეს წაგებას. უნდა შევეცადოთ შემდეგ მატჩებშიც წარმატების მიღწევას". - ციტირებს Sky Sports - მატიჩის სიტყვებს



წყარო: euro-football