"მანჩესტერ იუნაიტედის" მწვრთნელმა, ოლე გუნარ სოლსკიაერმა ენტონი მარსიალის შესახებ ისაუბრა და მისი არყოფნის მიზეზი ახსნა. მარსიალმა "კარდიფთან" მატჩში ერთ-ერთი მნიშვნელოვანი როლი ითამაშა, თუმცა ფრანგი "ჰადერსფილდთან" განაცხადში ვერ მოხვდა.
ნორვეგიელის განცხადებით, ახალგაზრდა შემტევი მოედანზე მხოლოდ იმიტომ ვერ ვიხილეთ, რომ შეუძლოდ გრძნობდა თავს. კარგი ამბავი ისაა, რომ მარსიალი "ბორნმუთთან" უკვე უნდა დაბრუნდეს.
"მარსიალი ცუდად გახდა. ზუსტად არ ვიცი, რა მოხდა, მგონი საჭმლით მოიწამლა. დიდი იმედი მაქვს, რომ კვირისათვის მზად იქნება. რაც შეეხება დიოგო დალოსა და ფრედს, ისინი ეშლი იანგისა და ანდერ ერერას შემცვლელები იქნებიან. ვფიქრობ, ეს სწორი გადაწყვეტილებაა."
სოლსკიაერს ასევე ჰკითხეს, ოდესმე უოცნებია თუ არა "ოლდ ტრაფორდზე" მწრთვნელის რანგში წარდგომა.
"სიმართლე რომ გითხრათ, რამდენიმე წლის წინ ეს ფიქრები მქონდა. ბოლო დროს კი ამას ვერც კი წარმოვიდგენდი. ახლა ძალიან მშვიდად ვარ და უბრალოდ მოვლენების განვითარებას ველოდები. იმაზე უფრო მშვიდად ვარ, ვიდრე ველოდი."