ზამთრის სატრანსფერო ფანჯრის გახსნამდე სულ ცოტა დრო რჩება. ამა თუ იმ გუნდს პოტენციური სამიზნეები უკვე შერჩეული ჰყავს. გამონაკლისი არც ტურინული გრანდი, მასიმილიანო ალეგრის "იუვენტუსია" რომელიც მომავალ სატრანსფერო ფანჯარაზე თავდამსხმელის ყიდვას ეცდება.
იტალიური პრესის ფურცლების ცნობით, "ბებერი ქალბატონი", ინგლისური გრანდის "მანჩესტერ იუნაიტედის" ბელგიელი შემტევით რომელუ ლუკაკუთი ინტერესდება. იტალიელების აზრით, 25 წლის ფორვარდი მარიო მანჯუკიჩის შემცვლელი უნდა გახდეს.
მიმდინარე სეზონში ლუკაკუმ "წითლების" რიგებში ყველა ტურნირზე ერთად 22 მატჩი ჩაატარა, ჩატარებული შეხვედრებიდან ფორვარდმა თავი 6 გოლით გამოიჩინა.
აღსანიშნავია ის ფაქტიც, რომ ჟოზე მოურინიოს "მანჩესტერ იუნაიტედიდან" წასვლის შემდეგ, ბელგიელი სამატჩო განაცხადში, "კარდიფის" წინააღმდეგ არ მოხვედრილა, სავარაუდოდ, სოლსკიაერი მას არც დღეს ათამაშებს "ჰადერსფილდის" წინააღმდეგ.