ნემანია მატიჩმა ჟოზე მოურინიოს წასვლაზე ისაუბრა. მისი აზრით, მთელი პასუხისმგებლობა ფეხბურთელების კისერზეა.
მოურინიომ კლუბი "ლივერპულთან" დამარცხების შემდეგ დატოვა. ოლე გუნარი საოცარი დებიუტით წარსდგა გულშემატკივრის წინაშე, მაგრამ მოურინიოს იმედგამაცრუებელი სეზონის შემდეგ "იუნაიტედი" "პრემიერ ლიგაში" მეექვსე ადგილზე იმყოფება. თუმცა მატიჩის განცხადებით, ამაში დამნაშავე მხოლოდ მოურინიო არ არის და არ შეიძლება მთელი პასუხისმგებლობის მასზე დაკისრება. "ფეხბურთელებმა პასუხისმგებლობა საკუთარ თავზე უნდა აიღონ. ეს "ლივერპულთან" გამართული მატჩის შემდეგაც განვაცხადე. ჩვენ, როგორც ფეხბურთელები, ვალდებულები ვართ, რომ პასუხისმგებლობა ჩვენს თავზე ავიღოთ და ჩვენი შესაძლებლობების მაქსიმუმი გავაკეთოთ, რათა უკეთ ვითამაშოთ და მატჩები მოვიგოთ."
"არ ვიცი რა შეიცვალა "კარდიფთან. ეს ის კითხვაა, რომელზეც პასუხი არავის აქვს. ერთი რამ ვიცი - ასე უნდა განვაგრძოთ. უნდა ვიბრძოლოთ და ყველაფერს გავაკეთებთ, რომ ასეც მოხდეს."
"ეს ფეხბურთია. აქ ასეთი რამეები ხდება. ყველამ ვიცით, რომ ცუდი შედეგები მხოლოდ მენეჯერის ბრალი არაა. ეს ფეხბურთია და უნდა განვარძოთ, კლუბისთვის უნდა ვიბრძოლოთ," - დაასრულა მატიჩმა.