"მანჩესტერ იუნაიტედის" დროებით მწვრთნელ ოლე გუნარ სოლსკიაერს პირველ საშინაო მატჩში შემადგენლობაში დიდი არჩევანი ექნება.

ნორვეგიელს "ოლდ ტრაფორდზე" შეკრებილი გულშემატკივარი თბილად დახვდება "კარდიფ სიტისთან" მოპოვებული 5-1 გამარჯვების შემდეგ, სადაც ამჯერად მეტოქე "ჰადერსფილდი" იქნება.

გუნდში ახალი ტრავმირებული ფეხბურთელები არ არიან, თუმცა ჯერ საკითხავია, შეძლებენ თუ არა წინა მატჩში არმყოფი ფეხბურთელები დაბრუნებას.

ალექსის სანჩესი სამშობლოში განვლილი სამკურნალო პერიოდის შემდეგ მანჩესტერში დაბრუნდა, ხოლო ანხელ გომესი და ჯეიმს გარნერი გუნდს უელსში ახლდა.

ოლეს თქმით, მომდევნო შეხვედრებში ის ყველას მისცემს თავის გამოჩენის საშუალებას: "გუნდში მყოფმა ყველა ფერბურთელმა იცის, რომ შანსს მიიღებს, რაც არ უნდა მოხდეს. ყველა სუფთა ფურცლიდან იწყებს. გვინდა, რომ შანსის გამოყენება ყველა მოთამაშემ შეძლოს."

მიუხედავად იმისა, რომ სოლსკიაერისთვის ძალიან რთული იქნება გამარჯვებული გუნდის შეცვლა, კარდიფში გამართულ შეხვედრაში გამოყენებული სამივე ფეხბურთელი - მარუან ფელაინი, ფრედი და ანდრეას პერეირა - მის ფიქრებში იქნებიან.

რაც შეეხება "ჰადერსფილდს", მათ განკარგულებაში არ იქნებიან ტომი სმიტი, დენი უილიამს აბდელჰამიდ საბირი და აარონ მუი, მაგრამ დაბრუნების შანსი აქვს რაივ ვან ლა პარას.

წყარო: manutd.com