ჟოზე მოურინიოს გუნდიდან წასვლის შემდეგ, "მანჩესტერ იუნაიტედში" ძირეული ცვლილებების დრო დგება. გუნდი, წარსულში ლეგენდარულმა ფეხბურთელმა ოლე გუნარ სოლსკიაერმა ჩაიბარა. მის ასისტნტად კი სერ ალექს ფერგიუსონის შტაბში მომუშავე მაიკ ფელანიც დაინიშნა.
გულშემატკივრებისთვის სასიხარული ინფორმაციას ავრცელებს ცნობილი გამოცემა The Sun. აღნიშნული წყაროს ცნობით, ნორვეგიელი სპეციალისტის მრჩევლად, არც მეტი არც ნაკლები სერ ალექს ფერგიუსონი ინიშნება.
აღსანიშნავია, რომ მოურინიოს წასვლის შემდეგ სოლსკიაერს მითითებებს სწორედ ლეგენდარული სერ ალექსი აძლევდა. პრესაში გაჟონა ინფორმაციამაც, რომ კლუბის ხელმძღვანელობას ოლეს დანიშვნა სწორედ შოტლანდიელმა ლეგენდამ ურჩია.
თავის მხრივ, სოლსკიაერი გეგმავს, რომ ფერგიუსონთან რეგულარული კავშირი ჰქონდეს რათა გუნდის ძირითადი საყრდენი ღერძი სწორედ ფერგიუსონის დახმარებით ხელთავიდან შექმნას და გააძლიეროს.