ლუკ შოუს ერთი სული აქვს თუ როდის დაუბრუნდება "ოლდ ტრაფორდს". მარცხენა მცველმა "კარდიფთან" გამართულ მატჩზე ისაუბრა. "ჩვენი გატანილი გოლები ბრწყინვალე იყო. რეშფორდის პირველი გოლი დალაგებასა და დაწყნარებაში დაგვეხმარა და იქიდან განვაგრძეთ. როცა "კარდიფმა" გაგვიტანა, ჩვენ უკან არ დაგვიხევია, უფრო მეტად ვცდილობდით წინ წაწევას, რასაც მესამე გოლი მოჰყვა. შესანიშნავი გოლი იყო."
"რაც შეეხება გულშემატკივრებს, მათი გვერდში დგომა ყოველთვის დამატებითი ძალა და მოტივაციაა. მინდა, რომ სულ ჰქონდეთ იმ ემოციების განცდის საშუალება, რომელსაც "კარდიფთან" გრძნობდნენ. დიდი ხანია 5 გოლი არ გაგვიტანია და დარწმუნებული ვარ, რომ ამან გულშემატკივრებში განსაკუთრებული სიხარული გამოიწვია."
"არ აქვს მნიშვნელობა, როგორ ვთამაშობთ. ისინი ყოველთვის გვიდგანან გვერდში. მათი თანაგრძნობას მთელი 90 წუთის განმავლობაში ვგრძნობ. იმედი მაქვს, რომ მათაც ისეთი სიამოვნება მიიღეს თამაშისგან, როგორც ჩვენ."
"ყველაზე მნიშვნელოვანი მაინც ის არის, რომ 3 ქულა მოვიპოვეთ და ერთი სული გვაქვს როდის მოვა შემდეგი მატჩი." "იმედი მაქვს, რომ ყველა ისიამოვნებს შობით და მერე ჩვენს "ოლდ ტრაფორდზე" გამოჩენას დაელოდება."
ოლე გუნარმა ოთხეულისკენ პირველი ნაბიჯი უკვე გადადგა. მან სხვაობა 11 ქულიდან 8 ქულამდე შეამცირა. შეგახსენებთ, რომ "ჩელსი" "ლესტერთან" დამარცხდა. "ძალიან გრძელი გზაა გასავლელი, ამიტომაც სხვა გუნდებზე კონცეტრაციისათვის არ გვცალია. მთავარი მიზანი საკუთარ თავზე ფოკუსირებაა. თუ ასე განვაგრძობთ თამაშს შემდეგ ოთხ მატჩში აუცილებლად მოვიპოვებთ ქულების მაქსიმალურ რაოდენობას და ვეცდებით სხვაობის შემცირებას. მერე კი ვნახოთ, თუ რა მოხდება."