ეშლი იანგმა გუშინდელ მატჩზე ისაუბრა. ინგლისელის განცხადებით, "იუნაიტედმა" თავისი მოგებების სერია ამ მატჩიდან უნდა დაიწყოს. ოლე გუნარი 26 დეკემბერს პირველ მატჩს გამართავს "ოლდ ტრაფორდზე".
ინგლისელი აღფრთოვანებული იყო თამაშის ხარისხით, გამარჯვებითა და გულშემატკივართა გვერდში დგომით. "აღფრთოვანებულები ვართ გამარჯვებით. მთელი 90 წუთის განმავლობაში ყველა მთელს ენერგიას ვდებდით მატჩში. გოლის გაშვება იმედგამაცრუებელი იყო, მაგრამ ამ მატჩიდან პოზიტიური მომენტები უნდა დავიტოვოთ და ამაზე ავაწყოთ მომავალი თამაშები."
"გულშემატკივრები მთელი სეზონის განმავლობადი იდეალურები იყვნენ. არ ჰქონდა მნიშვნელობა ვაგებდით თუ ვიგებდით. ბევრი მომენტი იყო, როცა ჩვენ მათ ვერ ვაბედნიერებდით, მაგრამ ისინი ჩვენთვის სიმღერას არასდროს წყვეტენ. დღეს კი უბრალოდ ბრწყინვალენი იყვნენ."
"გვინდა, რომ სამუშაო პერსონალისა და გულშემატკივრებისთვის თამაშის ეს ხარისხი შევინარჩუნოთ. საშობაოდ კიდევ ბევრი მატჩის ჩატარება გვიწევს და ძალიან მნიშვნელოვანია, რომ თითოეულ თამაშზე მაქსიმალური კონცენტრაცია მოვახდინოთ."
"შემდეგი მატჩი "ჰადერსფილდის" წინააღმდეგ გვიწევს. პრესა ჩვენზე ბევრს ილაპარაკებს, თუმცა ჩვენზე ეს გავლენას არ მოახდენს. ჩვენ მხოლოდ გამარჯვება გვაინტერესებს, რაც არც ისე მარტივია. ამიტომ მთელს ფოკუსირებას შემდეგ მატჩებზე მოვახდენთ."
ფეხბურთელებისთვის რთული კვირა იყო. იანგის განცხადებით თუ პროფესიონალი ხარ, მაშინ გარემო პირობებს შენზე ზეგავლენის მოხდენის უფლება არ უნდა მისცე. "შენ სტადიონზე შენი დავალება გაქვს, შენი საქმის გასაკეთებლად მიდიხარ. სწორედ ამას აკეთებდა თითოეული ჩვენგანი კლუბში. რა თქმა უნდა, მენეჯერის გამოცვლამ ჩვენზე გავლენა მოახდინა, თუმცა ჩვენ სვლა უნდა გაგვეგრძელებინა და ასეც მოვიქეცით. ძალიან ბედნიერები ვართ დღევანდელი გამარჯვებით და ამ განწყობას "ჰადერსფილდისთვის" შევინარჩუნებთ."
სოლსკიაერმა განაცხადა, რომ ყველაზე მნიშვნელოვანი ფეხბურთისთვის მოთამაშეების მიერ თავისი საქმიდან მაქსიმალური სიამოვნების მიღებაა. იანგი კი მიიჩნევს, რომ გუნდი ამ ყველაფერს უკვე აკეთებს. "მემგონი ოლე გუნარი ასეთი იყო ფეხბურთელობის პერიოდშიც, ყოველთვის იღიმოდა. იმედია, დღევანდელი შედეგით ბედნიერი იქნება."
შემდეგი თამაშზე სოლსკიაერი "ოლდ ტრაფორდზე" ბრუნდება. "შემდეგი თამაშის ცენტრალური ფიგურა ოლე გუნარი იქნება. "იუნაიტედის" ლეგენდა "ოლდ ტრაფორდზე" ბრუნდება. თუმცა ჩვენ არ უნდა დავიბნეთ და ჩვენი მაქსიმუმი გავაკეთოთ,"- დაასრულა იანგმა.