"ბარსელონა" მზად არის, კონკურენცია გაუწიოს მადრიდის "რეალსა" და "მილანს" მარკუს რეშფორდის შეძენაში.

"ბარსას" ბოსები "ოლდ ტრაფორდზე" ახალგაზრდა ინგლისელის მდგომარეობას აკვირდებიან და ვინაიდან მისი მომავალი ცხადი არ არის, მისი შეძენის მცდელობა ექნებათ.

მარკუსმა ჟოზე მოურინიოს პერიოდში პროგრესირება საკმაოდ შეანელა და მიმდინარე სეზონში მის ანგარიშზე მხოლოდ 5 გატანილი გოლია პრემიერ ლიგაში.

მოსალოდნელი იყო, რომ რეშფორდს კლუბი დაეტოვებინა, რომ არა ოლე გუნარ სულშერის მისვლით მიღებული ახალი მუხტი.

მაგრამ ეს არ გამორიცხავს მარკუსის შეძენის ხელმისაწვდომობას და "ბარსელონა" არ აპირებს ასეთი შანსის ხელიდან გაშვებას, თუკი შესაძლებელი იქნება.

ესპანური გრანდების გარდა კარგი ტრანსფერების მოლოდინშია "მილანიც", რომლის ერთ-ერთ სამიზნეს ასევე რეშფორდი წარმოადგენს.

აღნიშნულ სამ კლუბს ოპტიმიზმის საფუძველს აძლევს რეშფორდის ირგვლივ არსებული მდგომარეობა, რომელიც "ოლდ ტრაფორდზე" მის მომავალს ცალსახას არ ხდის.

"იუნაიტედს" უკვე ჰყავს შემადგენლობაში ალექსის სანჩესი, რომელუ ლუკაკუ, ენტონი მარსიალი და ჯესი ლინგარდი, რომლებიც გარკვეულწილად ინგლისელის კონკურენტებად ითვლებიან სასტარტო შემადგენლობაში მოსახვედრად.

სულშერის მწვრთნელობის პერიოდში იანვრის სატრანსფერო ფანჯარამ კი შეიძლება ეს კონკურენცია კიდევ უფრო გაზარდოს, თუმცა კლუბის უმთავრესი სამიზნე ცენტრალური მცველი იქნება.

"ბარსელონამ" წინა იანვარს 148 მლნ. ფუნტი დახარჯა ფილიპე კოუტინიოს შეძენაში და მოსალოდნელია, რომ ამგვარად არ მოიქცევა რეშფორდის შემთხვევაში. ამის ნაცვლად კლუბი ზაფხულის სატრანსფერო ფანჯარის გახსნას დაელოდება.

"რეალი" კი თავის მხრივ დროებითი მწვრთნელის, სანტიაგო სოლარის ხელმძღვანელობისას სერიოზულ ინვესტიციებს არ ჩადებს ტრანსფერში.

რაც შეეხება "მილანს", იტალიურ კლუბს UEFA-სთან ფინანსური ფეირ-პლეის გამო სანქციები აქვს ასარიდებელი, რის შემდეგაც ტრანსფერის განხორციელების უფლებას მოიპოვებს.

ევროპული ფეხბურთის მწვერვალზე დაბრუნების სურვილით მოქმედი "მილანი" ახალგაზრდულ ნიჭს ერთ-ერთ უმთავრეს საშუალებად განიხილავს.

წყარო: express