გუნდი გაძლიერებას არ აპირებს.
"მანჩესტერ იუნაიტედის" ხელმძღვანელობამ გადაწყვიტა, იანვარში სატრანსფერო ბაზარზე არ დაიხარჯოს.
"წითლების" მთავარი მწვრთნელის პოსტის ჩაბარების შემდეგ ოლე გუნარ სულშერმა გამოთქვა რწმენა, რომ კლუბის სატრანსფერო პოლიტიკაზე გავლენა ექნება.
მაგრამ Daily Mirror-ი ირწმუნება, რომ ამის საჭიროება არ არსებობს, ვინაიდან კლუბის ხელმძღვანელობა არ აპირებს ტრანსფერებზე მუშაობას, სანამ გუნდის მუდმივი სტატუსით არ ჩაიბარებს რომელიმე მწვრთნელი.
სერ ალექს ფერგიუსონის წასვლის შემდეგ "იუნაიტედმა" ახალი ფეხბურთელების შეძენაზე 750 მილიონი ფუნტი დახარჯა, მაგრამ ამ ტრანსფერების უმრავლესობა წარუმატებელი გამოდგა.
ამ თანხიდან 410 მილიონი ჟოზე მოურინიოს პერიოდზე მოდის, მაგრამ "იუნაიტედს" ვერც ასეთი შთამბეჭდავი ინვესტიცია დაეხმარა პრემიერ ლიგის ჩემპიონობაზე პრეტენზიის გამოსათქმელად.
გამოცემის თანახმად, "წითლების" აღმასრულებელმა დირექტორმა ედ ვუდვორდმა სულშერს აცნობა, რომ მხოლოდ იმ ფეხბურთელების გადაბირების იმედი უნდა ჰქონდეს, ვინც იჯარის სახით იქნება ხელმისაწვდომი.
წყარო:
dailystar