ეშლი იანგმა ბოლოდროინდელ მოვლენებზე ისაუბრა. გასულ დღეებში ბევრი რამ მოხდა, თუმცა ინგლისელის განცხადებით, ფეხბურთელები ჩვეულებრივ რეჟიმში ემზადებოდნენ მომდევნო მატჩისთვის.
"რთული კვირა იყო, თუმცა ჩვენ უნდა განვაგრძოთ წინ სვლა, მაქსიმალური კონცენტრაცია უნდა მოვახდინოთ შემდეგ თამაშზე და "იუნაიტედი" გამარჯვების გზებს დავუბრუნოთ."
"მოედანზე შესვლისას შენ გამარჯვება გსურს. თამაშობ იმ ლოგოსთვის, რომელიც გულზე გაკრია, თამაშობ ფანტასტიკური კლუბისთვის, მეტიც, მსოფლიოში საუკეთესო კლუბისთვის. ჩვენ ახლა ერთაერთი მიზანი გვაქვს - მომავალში გახედვა და დარჩენილ თამაშებზე კონცეტრირება."
"დატვირთული საშობაო პერიოდია და ძალიან გვსურს ქულების მოპოვება და "იუნაიტედის" კუთვნილ ადგილას დაბრუნება."
სოლსკიაერთან ერთად გუნდში მაიკლ ფელანიც დაბრუნდა, რომელიც დანარჩენ სამრწთვნელო შტაბთან ერთად ოლე გუნარს დაეხმარება.
"დარწმუნებული ვარ, რომ ოლე ძალიან ბედნიერია უკან დაბრუნებით. ასევე მაიკ ფელანიც. ოლესთვის აქ დაბრუნება დაუჯერებელი გრძნობა უნდა იყოს. გულშემატკივრებს ძალიან უყვართ ის, მას კი კლუბი უყვარს. საერთო ჯამში, მისი დაბრუნება მხოლოდ და მხოლოდ კარგის მომტანია."
"მე დიდი ხანია "იუნაიტედში" ვიმყოფები და ადრე მაიკთან მუშაობა მომიწია. მიხარია, რომ ისიც დაბრუნდა."
იანგს ძალიან სურდა სამრწთვნელო შტაბის მუშაობაზე საუბარი. ის აღფრთოვანებულია მათით, განსაკუთრებით ამ კვირის შემდეგ, როცა ფეხბურთელებისთვის ძალიან რთული იყო ჩვეულ რეჟიმში მუშაობის გაგრძელება, მაგრამ მათი წყალობით მაინც მოახერხეს.
"მაიკლი, კიერანი და ემილიო ფანტასტიკურები იყვნენ. მათი ვარჯიშებიც ფანტასტიკური, უმაღლესი დონის იყო."
"დარწმუნებული ვარ, რომ ქერიკი ერთ დღეს მენეჯერი გახდება, კიერანი კი ბრწყინვალე იქნება 18 წლამდელებისთვის. ემილიოც უბრალოდ მეკარეების ფანტასტიკური მწრთვნელია. მათთვის ძალიან სასიამოვნო იქნება ოლესა და ფელანთან მუშაობა."
"კვირის განმავლობაში მთავარი ამოცანა ჩვენს სამუშაოზე კონცენტრირება იყო. ბევრი რამ მოხდა და არ უნდა მიგვეცა ამ მოვლენებისთვის ჩვენზე ზეგავლენის მოხდენის უფლება. ბევრი უნდა გვევარჯიშა და მზად ვყოფილიყავით მომავალი მატჩებისთვის და ჩვენ ეს გავაკეთეთ."