სოლსკიაერი სეზონის ბოლომდე "იუნაიტედის" მენეჯერის პოზიციას დაიკავებს. ნევილსა და ოლე გუნარს ერთ პერიოდში მოუწიათ "იუნაიტედში" თამაში. გარიმ ძველი თანაგუნდელის შესახებ ისაუბრა და აღნიშნა, რომ ნორვეგიელს ბევრი წინაღობის გადალახვა მოუწევს.

"პირველ რიგში, კლუბის ამოცანა "ჩემპიონთა ლიგაზე" მოხვედრაა. ეს არის უპირველესი, რაზეც ოლემ უნდა იფიქროს. "იუნაიტედი" აუცილებლად უნდა ეცადოს ოთხეულში მოხვედრას და თუ ტიტულს მოიგებენ, რა თქმა უნდა, ეს შესანიშნავი იქნება."

"თუმცა ახლა ვფიქრობ, რომ ყველაზე რთული ოლესთვის ფეხბურთელების დახმარებაა. იმ ფეხბურთელების, რომლებიც მოურინიოს ემალებოდნენ ბოლო 6-12 თვე. ახლა როცა შემდეგი 6 თვე მათ არანაირი მიზეზი არ ექნებათ მოედნის მიღმა დასარჩენად, ყველა დავინახავთ ვინ არის საკმარისად კარგი იმისთვის, რომ დარჩეს "ოლდ ტრაფორდზე" და გააგრძელონ "იუნაიტედის" მაისურით თამაში."

"ბევრი გზა არსებობს წარმატების გასაზომად. სტადიონზე ეს "ჩემპიონთა ლიგაა", სტადიონს მიღმა კი ფეხბურთელების მომზადება. ვნახოთ, როგორ შეძლებს ოლე ამ ყველაფერს."

სოლსკიაერმა თავის ინტერვიუში აღნიშნა, რომ "მანჩესტერ იუნაიტედის" მუდმივი მენეჯერობა სურს. ნევილის განცხადებით, ეს მხოლოდ იმ შემთხვევაშია შესაძლებელი, თუ სოლსკიაერი "ჩემპიონთა ლიგას" მოიგებს.

"თვალსაჩინო იყო, რომ ხელმძღვანელობას სჭირდებოდა ვინმე, ვინც ფეხბურთელებს კლუბთან დააკავშირებს, ვინც "იუნაიტედს" სეზონის ბოლომდე "იუნაიტედად" შეინარჩუნებს, ვინც ფეხბურთელებს "იუნაიტედის" დიდებულებას აგრძნობინებს და გულშემატკივრებს შრომას დაუფასებს."

"ოლე ძალიან პოპულარულია. შეიძლება ითქვას, რომ "იუნაიტედის" ყველაზე პოპულარული ფეხბურთელია მისი მიღწევებიდან გამომდინარე. ის ნამდვილი ჯენტლმენი და ძალიან კარგი პიროვნებაა. მწრთვნელის რანგშიც უკვე საკმაოდ გამოცდილია. ის ფეხბურთელის კარიერის დამთავრებისთანავე გახდა "იუნაიტედის" მწრთვნელი და ყველა დეტალის შესწავლას შეუდგა."

"თუმცა მაინც ვფიქრობ, რომ ოლე დროებითი არჩევანია, სანამ "იუნაიტედი" ახალ მწრთვნელს იშოვნის. თუ ის "ჩემპიონთა ლიგას" მოიგებს არასწორი იქნებოდა მისი გაშვება და ვფიქრობ, რომ "იუნაიტედი" არ გაუშვებს. თუმცა არ ვფიქრობ, რომ "იუნაიტედი" საკმარისად კარგია "ჩემპიონთა ლიგის" მოსაგებად."

"ოთხეულში მოხვედრა ფანტასტიკური იქნება, მაგრამ არ ვფიქრობ, რომ ეს ოლეს დასარჩენად საკმარისი იქნება. ჩემი აზრით, ახლა უბრალოდ ის მენეჯერი, რომელიც ხელმძღვანელობას სურს, უბრალოდ ხელმისაწვდომი არ არის და ამიტომაც მოვიდა ოლე."

"სოლსკიაერი ახლა ძალიან კარგია. "კარდიფში" მან კარგი გამოცდილება მიიღო. ამ ქვეყანაში რაღაც სტიგმა არსებობს, რომლის მიხედვითაც თუ მენეჯერი დაითხოვე, ესე იგი ის ცუდია. თუმცა მე მივიჩნევ, რომ ოლემ ძალიან კარგი გამოცდილება მიიღო "კარდიფში" და მას შემდეგ გაზრდილია, როგორც მენეჯერი. ახლა შეუძლია ყველა დეტალი გამოასწოროს, რაც არასწორი იყო მისი, როგორც მწრთვნელის მხრიდან."


წყარო: SkySports