დიმიტარ ბერბატოვი აცხადებს, რომ "მანჩესტერ იუნაიტედის" გაწვრთნა მისი ოცნებაა და სამწვრთნელო კარიერის დაწყებას გეგმავს.

ჟოზე მოურინიოს გაძევების შემდეგ "წითელმა ეშმაკებმა" დროებითი მწვრთნელის სტატუსით ოლე გუნარ სულშერი დანიშნეს, რომელიც დიმიტარის მსგავსად კლუბის ყოფილი ფეხბურთელია.

ბერბატოვმა "წითელი ეშმაკების" რიგებში ჩატარებულ 150 მატჩში 49 გოლი გაიტანა და კლუბის გულშემატკივრებისთვის ერთ-ერთ საყვარელ ფეხბურთელად ითვლება.

ბულგარელი ფიქრობს, რომ სულშერმა თავისი შანსი გაწეული სამსახურის გამო დაიმსახურა და ისურვებდა, მასაც მისცემოდა ასეთივე შესაძლებლობა.

"სულშერი ჩემსავით ყოფილი ფეხბურთელია, რომელსაც დიდ კლუბში უთამაშია და მან მიიღო ის გარღვევა, რომელიც სჭირდებოდა.

აღელვებული ვარ, რადგან მეც ვიყავი "მანჩესტერ იუნაიტედის" ნაწილი და მეც მსურს მწვრთნელობა. მეც მჭირდება ასეთივე გარღვევა რაღაც მხრივ.

მხოლოდ რამდენიმე "რჩეული" არსებობს, რომელთაც დიდ კლუბებში დაიწყეს - პეპ გვარდიოლასაც და ზინედინ ზიდანსაც ნაკლები მნიშვნელობის როლი ჰქონდათ "ბარსელონასა" და "რეალში", სანამ სადავეებს იგდებდნენ ხელთ - მაგრამ ოლემ თავისი შანსი ნორვეგიაში "მოლდესთან" ერთად გაწეული სამსახურით დაიმსახურა.

ვინ იცის, ერთ დღეს შეიძლება მეც აღმოვჩნდე "ოლდ ტრაფორდზე" მწვრთნელად. ჩემს იმიჯს ახლა ვიქმნი და დიდი ამბიციებიც მაქვს".

წყარო: goal.com