"იუნაიტედმა" ბოლო "პრემიერ ლიგის" 16 მატჩში 26 გოლი გაუშვა. ამასთანავე "ჩემპიონთა ლიგაზე" ჯგუფის სათავეში დამთავრების რეალური შანსი დაკარგეს.

ჟოზე მოურინიოს შეგირდები ლივერპულში მიემგავზრებიან. მათ მოსისხლე მტრებისგან 16 ქულა აშორებთ. შერვუდის განცხადებით, კლუბის პრობლემები "კერინგტონზე" საშინელ განწყობას ქმნის.

"ჟოზემ სხვა გზა უნდა იპოვნოს, სხვა ტაქტიკა, რადგან ამ მომენტისთვის ეს ყველაფერი არ მუშაობს."

"იუნაიტედს" მსოფლიო დონის ფეხბურთელები ჰყავს: პოგბა, ლუკაკუ, მატა დე ხეა... მათ კი მეტი სურთ ვიდრე "პრემიერ ლიგაში" მე-6 ადგილზე ყოფნა."

"პოლ პოგბა ამჟამად "ჩემპიონშშიპის" ფეხბურთელს ჰგავს, მაგრამ ნუ დაივიწყებთ, რომ ამ ბიჭმა მსოფლიო ჩემპიონატი მოიგო. მას სჭირდება, რომ ვიღაცამ უთხრას: "მიდი, ითამაშე "ლივერპულთან". გენდობი!"

"თუმცა "მანჩესტერ იუნაიტედის" ბანაკი ორადაა გაყოფილი: ჟოზე ცალკეა და ფეხბურთელები ცალკე. ყველა სხვადასხვა მიმართულებით მიდის."

"იუნაიტედი" ბოლოს "ენფილდს" გასულ სეზონში, სექტემბერში ეწვია. აღნიშნული თამაში ფრედ, ანგარიშით 0-0 დასრულდა. მოურინიომ ამ მატჩში ბევრი კრიტიკა დაიმსახურა. იმ მომენტისთვის "იუნაიტედი" ლიგაში მეორე ადგილს იკავებდა.

"ლივერპული" გასულ წელთან შედარებით ბევრად უფრო განვითარებული გუნდია. შესაბამისად, ბევრი "იუნაიტედის" გულშემატკივარი ბედნიერი იქნება, თუ გასული წლის მსგავს შედეგებს ვაჩვენებთ. გორდონ სტრაანი მიიჩნევს, რომ გახსნილი თამაში მოურინიოსთვის უფრო მომგებიანი იქნება.

"აქვთ კი მათ საკმარისი ენერგია პრესინგის სათამაშოდ? არამგონია. "ლივერპულმა" შესაძლოა 3, 4 ბურთის სხვაობით დაამარცხოს "იუნაიტედი" და ეს მოურინიოსთვის ღამის კოშმარივით იქნება."

"ეს მსოფლიოს დაანახებს, რომ მისი სტილი კლოპისა და გვარდიოლას წინააღმდეგ აღარ მუშაობს. როგორ გავლენას მოახდენს ეს მასზე, როგორც მწრთვნელზე?"

"მას ნამდვილად ჰყავს გუნდი, რომელსაც გზის გაკვლევა შეუძლია. "იუნაიტედს" აქვს თავისი დადებითი მხარეები, თუმცა "ლივერპულმა" და "სიტიმ" თავიანთი თამაშები მთლიანად ენერგიასა და ტექნიკაზე ააგეს და მგონია, რომ ზუსტად ეს პრობლემა აწუხებს ახლა "იუნაიტედს". მათ არ აქვთ საკმარისი ენერგია, რათა სტილი შეცვალონ და ამ გუნდების დამარცხება ისევ შეძლონ."



SkySports