ჟოზე მოურინიო დაჟინებით აცხადებს, რომ "მანჩესტერ იუნაიტედის" იმ შემადგენლობას, რომელსაც ის აირჩევს ძალიან დიდი გამარჯვებისა და ბრძოლის სურვილი ექნება.

"ეშმაკუნები" "ენფილდისკენ" გაემართებიან, რათა მათ მთავარ მეტოქეებს, "ლივერპულს" დაუპირისპირდნენ. "იუნაიტედს" უკვე 9 თამაშია "მერსისაიდელებთან" არ წაუგია. შეძლებს თუ არა მოურინიო ამ შედეგის გაუმჯობესებას, ამას კვირა დღე გვიჩვენებს.

ჟურნალისტებმა მატჩის წინ მოურინიოს ძალიან ბევრი კითხვა დაუსვეს. მთავარი მათგანი კი შემდგომში მდგომარეობდა: შეძლებს ჟოზე საკმარისი სტრატეგიისა და ხერხების მოფიქრებას, რათა 9 მატჩიანი წაუგებლი სერია გააუმჯობესოს? თანაც გულშემატკივარმა არ უნდა დაივიწყოს, რომ თამაში "ენფილდზეა", რომელიც ერთ-ერთი ყველაზე რთული სტადიონია სათამაშოდ.

"ყველანაირად ვეცდები. ყოველთვის ვცდილობ და მინდა მყავდეს გუნდი, რომელიც გამომყვება და ჟინი და შემართება ეყოფა თავდაჯერებულობასთან ერთად. ჩვენ ძალიან კარგად ვაანალიზებთ, რომ "პრემიერ ლიგის" ამჟამინდელ ლიდერებს ვეთამაშებით და თანაც ეს გუნდი საკმაოდ მაღალ დონეზეა, მაგრამ ნუ დაივიწყებთ, რომ ჩვენ ჩვენი პოტენციალი და შესაძლებლობები გვაქვს."

"და ეს შესაძლებლობები გვრჩება მიუხედავად იმ პრობლემებისა, რაც არსებობს გუნდში. მე არ შემიძლია წინასწარ განვსაზღვრო თამაშის ტაქტიკა, ფილოსოფია, მიდგომები, რადგან ჯერ კიდევ წარმოდგენა არ მაქვს ვინ შეძლებს თამაშს. თუმცა როგორი ფეხბურთელებითაც არ უნდა მომიწიოს თამაში, გპირდებით, რომ თქვენ წინაშე წარვდგები გუნდით, რომელსაც თავისუფლად შეეძლება გამარჯვება."

"ოლდ ტრაფორდელებმა" ბოლო შვიდი "პრემიერ ლიგის" მატჩიდან "ენფილდზე" მხოლოდ ერთი წააგეს. მოურინიოს ხელმძღვანელობის ქვეშ კი ორივეჯერ კარის მშრალად შენახვა მოახერხეს. თუმცა პორტუგალიელი მიიჩნევს, რომ წარსულის შედეგებს არანაირი მნიშვნელობა არ აქვს და კონცენტრაცია მხოლოდ და მხოლოდ კვირის მატჩზე უნდა მოხდეს.

"თუ სწორად მახსოვს, ორივე მატჩი დადებითად დავასრულეთ გასულ სეზონში. სახლში დავამარცხეთ და როგორც მახსოვს ბოლო ოთხი მატჩია არ წაგვიგია. მაგრამ ეს წარსულში მოხდა."

"კვირის მატჩს არანაირად არ ეხება ის, თუ რა იყო წარსულში. სრული კონცენტრაცია უნდა მოხდეს არა იმაზე, რაც მოხდა, არამედ შემდეგ მატჩზე. კვირა საღამო ძალიან ძალიან მნიშვნელოვანია ჩვენთვის. არანაირი წარსული, ახლა მხოლოდ ეს გვაინტერესებს."

მოურინიომ წარსულში განაცხადა, რომ თუ "ლივერპულს" ტიტულის მოგება სურს, საზაფხულო ფანჯარაზე ბევრი ფული უნდა დაეხარჯათ. ჟურნალისტები დაინტერესდნენ, თუ რას ფიქრობდა აღნიშნულზე პორტუგალიელი ამჟამად, რაზეც ჟოზემ შემდეგი პასუხი გასცა:

"აქ ბევრი რამ არის და მხოლოდ ახალი ფეხბურთელების შეძენა არ კმარა. თუ დიდი ტიტულები გსურს გაცილებით მეტი უნდა გააკეთო. მხოლოდ ფულის დახარჯვა ნამდვილად არ კმარა. საფეხბურთო კლუბი გაცილებით მეტია ვიდრე ტრანსფერებზე დახარჯული თანხა."

"საფეხბურთო კლუბი რაღაცით სახლს ჰგავს. სახლი მხოლოდ ავეჯის შეძენით არ იქმნება. ჯერ სახლში ბევრ სამუშაოს ასრულებ და როგორც კი მორჩები, მხოლოდ შემდეგ შეგიძლია ავეჯის ყიდვა. შემდეგ, რა თქმა უნდა, საუკეთესო ავეჯზე ხარჯავ ფულს და მხოლოდ ამ ყველაფრის გაკეთების შემდეგ ხართ მზად იმისათვის, რომ იდეალურ სახლში იცხოვროთ. ესაა და ეს."


წყარო: ManUtd.com