ჟოზე მოურინიო იმედოვნებს, რომ "მანჩესტერ იუნაიტედის" რამდენიმე ფეხბურთელი კვირის მატჩისთვის მზად იქნება.

როგორც გახსოვთ, მხოლოდ ნემანია მატიჩსა და დავიდ დე ხეას მიეცათ დასვენების საშუალება. კრის სმოლინგს, მათეო დარმიანსა და დიოგო დალოს ტრავმა აწუხებდათ. ალექსის სანჩესი, ვიქტორ ლინდელოფი, ენტონი მარსიალი და ლუკ შოუც მანჩესტერში დარჩნენ, რადგან მათაც ლაზარეთში უწევდათ ყოფნა. პარასკევის პრესკონფერენციაზე მოურინიომ გუნდის მზაობაზე ისაუბრა:

"ვიმედოვნებ, რომ დღევანდელ ვარჯიშსა და ხვალინდელ თამაშს შორის რამდენიმე პოზიტიური სიახლე გვექნება. თუმცა მინდა წინასწარვე გითხრათ, რომ რთული სიტუაცია გვაქვს."

"ვალენსიასთან" რეალურად ჯანმრთელი ფეხბურთელებიდან მხოლოდ დე ხეა და მატიჩი დავასვენე. დანარჩენები შეუძლოდ გრძნობდნენ თავს. ყველას ტრავმა აწუხებს და არცერთს არ უვარჯიშია გუშინ."

"დღეს რამდენიმე ვარიანტს მოვსინჯავთ, ვნახავთ როგორ ადაპტირდნენ ფეხბურთელები, რომ შევაფასო ვინ იქნება მზად კვირისთვის. დაზუსტებულ პასუხს ვერ გეუბნებით, მაგრამ ძალიან დიდი იმედი მაქვს, რომ სულ მალე კარგად იქნებიან. თუმცა ზუსტად ვიცი, რომ რამდენიმე მათგანი თამაშს ვერ შეძლებს."

"რამდენიმე მათგანი უფრო ახლოსაა დაბრუნებასთან, ვიდრე სხვები. მაგალითად, ვინც ვალენსიასთან ითამაშეს და იქ მიიღეს ტრავმა ჯერ კიდევ გამოჯანმრთელების პროცესში არიან. დანარჩენები კი ვარჯიშისთვის ემზადებიან. ზოგი საერთოდ არ ვარჯიშობს, ზოგი ძალიან ცოტას ვარჯიშობს. ნაბიჯ-ნაბიჯ მივყვებით მოვლენებს, რათა შევაფასოთ ვინ იქნება მზად თამაშისთვის."

"რაც შეეხებათ დე ხეასა და მატიჩს, უბრალოდ მათი დასვენება მინდოდა. დე ხეამ აბსოლუტურად ყველა წუთი ითამაშა და ამ ეტაპზე ნამდვილად უნდა მიმეცა ამოსუნთქვის საშუალება. ასევე მატიჩსაც, მას ფიზიკური დასვენება სჭირდებოდა," - დაასრულა მოურინიომ.

მოურინიოს გარდა ტრავმებთან გამკლავება უწევს კლოპსაც. ინგლისელი ცენტრალური მცველი გომეზი, თვის დასაწყისიდან კოჭის ტრავმით იტანჯება. ლაზარეთში იმყოფება ჯოელ მატიფიც. შესაძლოა მატჩი გამოტოვოს ალექსანდერ-არნოლდმაც, "ჩემპიონთა ლიგაზე" მიღებული კოჭის ტრავმის გამო.


წყარო: ManUtd.com