კვირას ინგლისის საფეხბურთო სამყარო დიდი მატჩისთვის ემზადება. გულშემატკივარი "პრემიერ ლიგის" ყველაზე დიდ შერკინებას იხილავს ორ ყველაზე ტიტულოვან გუნდს შორის. ამჯერად, მატჩს "ენფილდის" სტადიონი უმასპინძლებს. "ლივერპული" - "მანჩესტერ იუნაიტედი" ყველაზე დაძაბული, ემოციური და გულშემატკივრისათვის საყვარელი დაპირისპირებაა.

"Sky Sports"-ის სტუდიას სხვა ფეხბურთელებთან ერთად კვირას "იუნაიტედის" ძველი ლეგენდა, როი კინიც ესტუმრება. მსგავსი თამაშებიდან კინის ანგარიშზე 21 მატჩია. მათგან ცხრა "იუნაიტედის" გამარჯვებით, ხოლო შვიდი დამარცხებით დასრულდა. მატჩის დაწყებამდე როი კინი ეცდება ამ შერკინებების ყველა ძველი მოგონება, შეგრძნება და დასამახსოვრებელი მომენტები გაიხსენოს, რაც მატჩის წინ გულშემატკივრისთვის ერთობ ამაღელვებელი იქნება.

თუმცა როი კინის შემთხვევაში ყველაფერი განსხვავებულად იყო. მაშინ "ლივერპულის" მთავარ მიზანს "იუნაიტედისთვის" ქულების დაკარგვა წარმოადგენდა, რადგან "ეშმაკუნები" მუდმივად ტიტულებისთვის იბრძოდნენ. დღევანდელ დღეს კი "იუნაიტედი" ოთხეულში მოსახვედრად იბრძვის, ხოლო კლოპის შეგირდები უკვე ტიტულისთვის იბრძვიან და ამ დროისთვის ჩემპიონატის სათავეშიც არიან.

მატჩის მსვლელობას კინსა და "Sky Sports"-თან ერთად ადევნებენ გრემ სოუნისი და კარაგერი. თუმცა მათ გამოაკლდებათ გარი ნევილი.

გავიხსენოთ როი კინის რამდენიმე ფრაზა "ლივერპულის" შესახებ:

2017 წელი, ნოემბერი:

"ლივერპულისნაირი" "დიდი" კლუბისთვის 10 წელიწადში მხოლოდ ერთი ტიტულის მოგება ცოტა დამაბნეველი და სასაცილოა, კითხვებს ბადებს."

"ლივერპული" ჩემი ბაღის უკანა ეზოში რომ თამაშობდეს, მაინც არ ვუყურებდი. უბრალოდ რაღაცას ფაფხურობენ, და თან ამას რისთვის აკეთებენ თავადაც არ იციან."

"ლივერპული" დიდ მატჩებს ვერ მოიგებს. კი, ახლა პატარ-პატარა თამაშებს იგებენ, მაგრამ დიდ მატჩებში გამარჯვება? ტიტულების მოგება? დაივიწყეთ. უკვე საკმარისზე მეტი აქვთ."


მატჩის შესახებ კომენტარი გააკეთა გარი ნევილმა:

"ატმოსფერო, ემოციები, შეგრძნებები... ამ ყველაფერმა იმ დროში დამაბრუნა, როცა თავად ვთამაშობდი "ენფილდზე". ეს ყოველთვის განსხვავებული თამაშია, ყოველთვის მეტი მტრობაა, ყოველთვის დიდებული გოლები გადის. ყველაფერი განსხვავებულია."

გარი ნევილთან ერთად ისაუბრა კარაგერმაც:

"ხალხი იტყვის, რომ ეს მხოლოდ სამი ქულაა, მაგრამ სნამდვილეში ყველამ ვიცით, რომ ეს ასე არ არის. ამ თამაშს გაცილებით მეტი თავბრუდამხვევი ემოცია მოსდევს ვიდრე მხოლოდ სამი ქულაა."

წყარო: SkySports