დღეს გავრცელებული ინფორმაციის თანახმად, "მანჩესტერ იუნაიტედმა" დე ხეას ახალი ხელშეკრულების გაფორმება შესთავაზა, რომლის თანახმადაც ესპანელი კვირაში 400 000 ფუნტს მიიღებს და კლუბის ყველაზე მაღალანაზღაურებადი ფეხბურთელი გახდება ალექსის სანჩესთან ერთად.
დე ხეას მიმნდინარე კონტრაქტის ვადა მომავალი წლის ბოლოს ეწურება და სულ ცოტა ხნის წინ ვრცელდებოდა ინფორმაცია იმის თაობაზე, რომ თუ გუნდი და ფეხბურთელი ვერ შეთანხმდებოდნენ, ინგლისური კლუბი მზად იყო ევერტონის გოლკიპერის, ჯორდან პიკფორდის შესაძენად.
ჟოზე მოურინიო დარწმუნებულია, რომ დავიდ დე ხეა კონტრაქტს მალე მოაწერს ხელს: "მას დარჩენა სურს და, რა თქმა უნდა, მეც მინდა მისი შენარჩუნება. ის სწორედ ის არის, ვინც "მანჩესტერ იუნაიტედს" სჭირდება. თუ ჩვენ გვსურს, რომ ვიყოთ იგივე "მანჩესტერ იუნაიტედი" დავიდი აუცილებლად გვჭირდება. მე, ხელმძღვანელობას, კლუბს, გულშემატკივარს, ყველას გვსურს დავიდის "ოლდ ტრაფორდზე" დარჩენა."
წყარო: The Sun
ახალი ამბები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.