"მანჩესტერ იუანიტედი" მთავარი მწვრთნელი სერ ალექს ფერგიუსონი გამოტყდა, რომ ძნელი იყო აეხსნა ორი ვინგერისთვის, ეშლი იანგისთვის და ლუის ნანისთვის, თუ რატომ ვერ მოხვდნენ ჩემპიონთა ლიგის 1/8 მატჩის განაცხადში.

არც ნანი და არც იანგი არ მოხვედრილან, სათადარიგოთა სკამზეც კი. რათქმაუნდა, ორივე მოთამაშე ამით უკმაყოფილო დარჩა.

"ბევრი ფეხბურთელი დარჩა ნაწყენი. ნანისთვის და იანგისთვის რთული იყო იმის ახსნა, თუ რატომ არ მოხვდნენ განაცხადში." – განაცხადა ფერგიუსონმა Daily Express–თან ინტერვიუში.

მინდორზე ვერ გამოვიდა ხავიერ ერნანდესიც. ფერგიუსონმა ერთი თავდამსხმელით, რობინ ვან პერსით გადაწყვიტა თამაში, ასე რომ ჩიჩარიტო მინდორს მიღმა დარჩა.

"მე ავუხსენი ჩიჩარიტოს, რომ რობინ ვან პერსი ჩვენი მთავარი თავდამსხმელია და მას სიღრმიდან სჭირდება მხარდაჭერა." – დაამატა ფერგიუსონმა.


წყარო:http://fapl.ru