ბელამის აზრით, ფრანგი მხოლოდ უკან მიიწევს და საერთოდ ვერ ვითარდება.
პოლ პოგბამ "ვალენსიასთან" მორიგი საშინელი მატჩი ჩაატარა, რამაც მოურინიო იმ დასკვნამდე მიიყვანა, რომ ფრანგი "ენფილდზე" არ ათამაშოს.
"იუნაიტედმა" ჯგუფური ეტაპის ბოლო თამაში დამარცხებით დაამთავრა, რამაც "წითლებს" პირველ ადგილზე გასვლის შანსი დააკარგვინა. შეგახსენებთ, რომ "იუვენტუსი" ყველას გასაკვირად ბოლო თამაშში დამარცხდა, "იუნაიტედის" მოგების შემთხვევაში კი მოურინიოს შეგირდები პირველ ადგილზე გავიდოდნენ.
შემდეგ კვირას "იუნაიტედი" "პრემიერ ლიგის" ლიდერს, "ლივერპულს", ეთამაშება. "ლივერპულის" ყოფილი ფორვარდი, ბელამი მიიჩნევს, რომ პოგბამ შემდეგ თამაშში არ უნდა ითამაშოს.
"პოგბა ძალიან სუსტი იყო დღეს. მოურინიო პოგბას საუკეთესო ფორმას ვერ იღებს, ეს ცხადია. პოგბასაც ნაკლებად აინტერესებს "იუნაიტედის" ბედი. მისი თამაში "ვალენსიასთან" უბრალოდ შემაწუხებელი იყო და მეტი არაფერი. უკვე აღარ ვიცი ნამდვილად არის თუ არა ისეთი კარგი, როგორც ამას უამრავი ადამიანი აღნიშნავს."
"კვირას ძალიან მნიშვნელოვან მატჩს ველით: "ლივერპული"-"მანჩესტერ იუნაიტედი". ეს ყველაზე დიდი თამაშია "პრემიერ ლიგაში". ეს ორი ყველაზე ტიტულოვანი გუნდია ინგლისში. თქვენ თუ მოურინიოს ადგილას აღმოჩნდებოდით, დღევანდელი მატჩის შემდეგ აუცილებლად აღნიშნავდით, რომ პოგბას სათამაშო დროს ასეთ დიდებულ მატჩში არ მისცემდით."
როგორც მოგეხსენებათ, პოგბას "პრემიერ ლიგის" ბოლო ორი თამაში სასტარტო შემადგენლობიდან არ დაუწყია. შაბათს კი, "ფულემთან" საერთოდ არ მისცემია სათამაშო დრო. ბელამი მიიჩნევს, რომ ფრანგის გუშინდელი თამაში მხოლოდ იმის დამამტკიცებელია, რომ ის მხოლოდ უკან მიიწევს და ვერ ვითარდება.
"ვფიქრობ, მას ეს მატჩი იმისთვის უნდა გამოეყენებინა, რომ მოურინიო თავის ძალებში დაერწმუნებინა და კვირის მატჩისთვის ძირითადში ადგილი გაენაღდებინა. თუმცა, გუშინდელი თამაშის შემდეგ საპირისპიროს მეტს ვერაფერს ვიტყვით."
"ჩვენ ყოველ წამს იმას გვახსენებენ, რომ პოგბამ მსოფლიო ჩემპიონატი მოიგო. მაგრამ კარგით რა. ის საერთოდ არ ჰგავს იმ ფეხბურთელს, რომელიც მუდმივად ვითარდება და დიდ თამაშებში დაყრდნობა შეგიძლია. ის მხოლოდ უკან მიიწევს,"-დაასრულა ბელამმა.
წყარო:
SkySports