"იუნაიტედის" პირველ გუნდთან ერთად ორი 17 წლის ახალგაზრდა გაემგზავრა ესპანეთში. მოურინიომ უკვე აღნიშნა, რომ გარნერი სათადარაგო სკამზე ეყოლება და აუცილებლად გამოიყენებს, რაც შეეხება გრინვუდს, მას მოედნის დაკავება ვინმეს ტრავმის შემთხვევაში მოუწევს.

ახალგაზრდების შესახებ ხუან მატამ ისაუბრა. ესპანელი აღფრთოვანებულია 17 წლის ფეხბურთელებით.

"ვფიქრობ, ეს ორი ბიჭი ყველას დაანახებს, თუ როგორი აკადემია ჰყავს "მანჩესტერ იუნაიტედს". ყველაფერს საუკეთესოს ვუსურვებ მათ. დარწმუნებული ვარ, რომ კლუბისთვის ძალიან მნიშვნელოვანი ფეხბურთელები გახდებიან უახლოეს მომავალში."

გარნერსაც და გრინვუდსაც 19 წლამდელებში "ჩემპიონთა ლიგის" ახალგაზრდულ ჩემპიონატზე ნათამაშები აქვთ. გრინვუდმა 5 თამაშში 5 გოლი გაიტანა, გარნერმა კი "ბებერი ქალბატონების" კარის დალაშქვრა მოახერხა. მატა მიიჩნევს, რომ დუეტი "წითლების" ძირითად შემადგენლობასთან თამაშს იმსახურებს.

"მე ძალიან ბედნიერი ვარ, რომ ისინი აქ არიან. ისინი ფანტასტიკური მოთამაშეები არიან, თუმცა კარგ ფეხბურთელამდე კარგი ადამიანი უნდა იყო და მათ ეს ყველაფერი აქვთ. ის თუ როგორ ლაპარაკობენ, როგორ იქცევიან, როგორ ვარჯიშობენ. საოცარი ბავშვები არიან. ისინი იმსახურებენ აქ ყოფნას და "ჩემპიონთა ლიგის" თამაშზე დასწრებას. მათ ტექნიკაზე მეტად მათი პიროვნება მომწონს. ძალიან, ძალიან კარგი ბავშვები არიან და სასიამოვნოა მათთან ურთიერთობა."

ხუანისთვის ეს მატჩი ძალიან მნიშვნელოვანია, რადგან მატა, ბრუნდება იმ კლუბის სტადიონზე, რომლის სახელითაც 170 თამაში ჩაატარა და 46 გოლი გაიტანა. მისთვის ძალიან ბევრს ნიშნავს იმ გულშემატკივრის წინაშე თამაში, რომელიც ერთ დროს მის სახელს მღეროდა. თუმცა მანჩესტერში გატარებული ცხოვრება მისთვის სულ სხვაა.

"ჩემთვის ეს მატჩი ძალიან განსაკუთრებული იქნება. ერთხელ "ჩელსისთან" ერთად მომიწია ესპანეთში დაბრუნება, და ეს ის ღამეა, რომელიც არასდროს დამავიწყდება. დღევანდელი მატჩისგანაც იგივეს ველი."

"მართალია, ჩვენ უკვე ჯგუფური ეტაპიდან გავედით და მატჩი ამ მხრივ საინტერესო არ იქნება, თუმცა მაინც ვფიქრობ, რომ დღევანდელი დღე ჩემს მოგონებებში სამუდამოდ დარჩება, რადგან ძალიან ბევრი ემოციის მომტანი იქნება ეს გარემო, ეს გულშემატკივრები და ეს ატმოსფერო ჩემთვის. ეს ყველაფერი უბრალოდ დაუჯერებელია. ეს ჩემი სახლი იყო და ძალიან მადლიერი ვარ მათი, რადგან აქ გატარებული დრო ჩემი კარიერისთვის ბევრს ნიშნავს."

კითხვაზე ითამაშებდა თუ არა მატა "ვალენსიაში" კიდევ ერთხელ, ესპანელმა შემდეგი პასუხი გასცა:

"ერთადერთი რაც შემიძლია გითხრათ არის ის, რომ ინგლისში ძალიან ბედნიერად ვგრძნობ თავს. მე საოცარ კლუბში, "იუნაიტედში", ვარ და ამით ძალიან ბედნიერი ვარ. ვნახოთ, რა მოხდება მომავალში, მაგრამ ამჟამად თავს კარგად ვგრძნობ და არაფერს ვაპირებ."


წყარო: ManUtd.com