"მანჩესტერ იუნაიტედმა" გაფრენამდე ვარჯიში ჩაატარა. "წითლები" ესპანეთისკენ დღეს გაემგზავრებიან და "ჩემპიონთა ლიგის" ჯგუფური ეტაპის ბოლო მატჩს ჩაატარებენ.

ჟოზე მოურინიომ უკვე ბევრი ისაუბრა "ვალენსიასა" და "ლივერპულთან" გასამართ მატჩზე. მას "პრემიერ ლიგის" ამჟამინდელი ლიდერების დამარცხება სურს. შესაბამისად ეცდება, რომ ესპანეთში რესურსი დაზოგოს.

19 წლამდელების წარმომადგენლები ჯეიმს გარნერი და მესიონ გრინვუდი დღეს ძირითად გუნდთან ერთად ვარჯიშობდა. ძალიან საინტერესოა, მიიღებენ თუ არა ახალგაზრდები სათამაშო დროს. გარნერი სულ რაღაც 17 წლისაა. ის ზოგადად ნახევარდაცვაში თამაშობს, მაგრამ იდეალურად ითამაშა ცენტრალური მცველის პოზიციაზეც "ჩელსისთან" გამართულ მატჩზე. ეს თამაში "იუნაიტედის" 18 წლამდელებმა 3-0 ანგარიშით მოიგეს. რაც შეეხება გრინვუდს, ის ახლა ბომბარდირია.

2018 წლის "Aon"-ის მიერ ორგანიზებულ ტურნეს ორივე ფეხბურთელი ესწრებოდა და ინგლისის 18 წლამდელები ღირსეულად წარადგინეს.

ძირითადი შემადგნელობიდან კრის სმოლინგი, ლუკ შოუ, დიოგო დალო და ვიქტორ ლინდელოფი დღეს ვარჯიშზე არ შეიმჩნეოდნენ. არ იმყოფებოდნენ ასევე ალექსის სანჩესიც და ენტონი მარსიალიც. თუმცა ვერაფერს ვიტყვით დაზუსტებით სანამ მოურინიო პრესკონფერენციას არ ჩაატარებს.

მენეჯერმა უკვე აღნიშნა რომ სათამაშო დრო აუცილებლად მიეცემა პოლ პოგბას, ანდრეას პერეირას და სკოტ მაკტომინეის. დანარჩენი მოგვიანებით გახდება ცნობილი.


წყარო: ManUtd.com