"მანჩესტერ იუნაიტედის" მთავარი მწვრთნელი ჟოზე მოურინიო, დაცვის ხაზის მნიშვნელოვნად გაძლიერებას, ჯერ კიდევ ზაფხულის სატრანსფერო ფანჯარაზე სთხოვდა კლუბის ხელმძღვანელობას, თუმცა ბოსებისგან უარი მიიღო.
ზამთრის სატრანსფერო ფანჯარა ახლოვდება, პრემიერ ლიგის 16 ტური უკვე გასულია და "იუნაიტედი" ოთხეულშიც კი არ არის. ჟოზეს აზრით, კლუბმა ზამთარში მინიმუმ ერთი ცენტრალური მცველი მაინც უნდა შეიძინოს.
The Sun - იუწყება, რომ "იუნაიტედის" მთავარი სატრანსფერო სამიზნე ზამთარში, ლონდონის "ტოტენჰემის" ბელგიელი ღირსების დამცველი ტობი ალდერვეირელდი იქნება. ტრანსფერის მთავარი სულისჩამდგმელი და ინიციატორი თავად მოურინიო გახლავთ.
აღნიშნული წყარო ასევე იუწყება, რომ კლუბის ხელმძღვანელობამ ამ ტრანსფერზე თანხმობა განაცხადა და საამისოდ სატრანსფერო თანხა 45 მილიონი ევროც გამოყო, ჯერი კი თავად ტობიზე და ლონდონურ კლუბზეა.
ალდერვეირელდმა, მიმდინარე სეზონში პრემიერ ლიგის 14 შეხვედრაში მიიღო მონაწილეობა.
წყარო:
euro-football