ლუკაკუმ 27 გოლი გაიტანა "ოლდ ტრაფორდზე" დებიუტისას, თუმცა ახლახანს ბელგიელი ძველებულ ფორმას ვერ ინარჩუნებს. მას 12 თამაშის განმავლობაში გოლი არ ჰქონდა გატანილი, რაც მხოლოდ "საუთჰემპტონთან" თამაშის შემდეგ დასრულდა. "ოლდ ტრაფორდზე" კი მარტის შემდეგ პირველი გოლი გაიტანა "ფულემთან". ლუკაკუმ თავის ფორმაზე ისაუბრა:

"მე უბრალოდ ბევრი მუშაობა უნდა განვაგრძო. მე და ჟოზემ ბევრი ვისაუბრეთ ბოლო კვირებთან დაკავშირებით. მან დეტალებში ამიხსნა თუ რას ელოდა ჩემგან. ჩემი მხრიდან ერთადერთი რაც შემიძლია გითხრათ არის ის, რომ თავადაც ვიცი, რომ ბევრად უკეთ უნდა ვიმუშაო. აუცილებლად განვაგრძობ განვითარებას და გუნდს კიდევ მრავალჯერ დავეხმარები 3 ქულის მოპოვებაში."

როცა ჟურნალისტებმა ბელგიელს ჰკითხეს თუ კონკრეტულად რა მითითებები მიიღო მოურინიოსგან ლუკაკუმ შემდეგი პასუხი გასცა:

"როგორც მენეჯერმა აღნიშნა, მე შემართება მაკლდა. საკმარისი აგრესიით ვერ ვითამაშე. "ფულემთან" ვფიქრობ, ეს გამოვასწორე. თავადაც ძალიან ბედნიერად ვგრძნობდი თავს, რადგან კარგი მატჩი ჩავატარე და დამიჯერეთ, ყველაზე მეტად ჩემს ფორმას მე განვიცდიდი."

"ერთი პრობლემა კიდევ რაც იჩენს თავს ჩემი კუნთებია. მსოფლიოზე როგორც ვითამაშე ისე "პრემიერ ლიგაში" ვერ ვითამაშებ. სხვა ფორმაა საჭირო. ეს მაშინათვე ვთქვი. ვიცოდი, რომ იგივე სტილით თამაშს ვერ შევძლებდი."

"გარდა ამისა, მსოფლიო ჩემპიონატის შემდეგ ცოტა დაღლილი ვიყავი. თუმცა ვფიქრობ, რომ ახლა იმ სიმაღლეზე დავბრუნდი, რომელზეც უნდა ვიყო და მზად ვარ ისევ მოვიგო თამაშები "იუნაიტედისთვის", - დაასრულა ბელგიელმა.


წყარო: SkySports