ეშლი იანგმა აღნიშნა, რომ "მანჩესტერ იუნაიტედთან" კონტრაქტის გახანგრძლივება და უფრო მეტი ტიტულის მოგება სურს.
ეშლი იანგი "იუნაიტედში" "ასტონ ვილადან" 2011 წელს გადავიდა. ახლა კი 33 წლისაა და "ოლდ ტრაფორდზე" დარჩენისთვის იბრძვის, თუმცა მისი კონტრაქტი ამ ზაფხულში იწურება.
"ეს კლუბზეა დამოკიდებული. მე ისეთივე ფორმაში ვგრძნობ თავს, როგორც 21 წლის ასაკში. სანამ ჩემი სხეული მოედანზე თავისუფლად სირბილის უფლებას მომცემს მინდა, რომ აქ დავრჩე."
"როდესაც ისეთ დიდებულ კლუბში გადადიხარ, როგორიც "იუნაიტედია" აუცილებელია, რომ ისტორია იცოდე და თუ არ იცი, მისი დიდებულება ერთ კვირაში შეგაცნობინებს თავს."
"კლუბის შეგრძნებები, მისი სიდიადე... ეს ყველაფერი უბრალოდ ენით აღუწერელია. ჩემთვის, ეს უდიდესი კლუბია მსოფლიოში, ყოველთვის იყო და იქნება."
"მე ვიცი მისი ისტორია, ბიჭებმაც შესანიშნავად იციან ყველაფერი. ყველაფერი უნდა გავაკეთოთ, რათა ტიტულები მოვიგოთ, ანუ ვაკეთოთ ის, რასაც კლუბი მუდმივად აკეთებდა ხოლმე."
"ალბათ გექნებათ ნანახი, რამდენი ტიტული დევს მუზეუმში. რა თქმა უნდა, ყველას უნდა რომ ამ დიდებულების ნაწილი იყოს."
"გასულ წლებში რამდენჯერმე მიგემია გამარჯვება ჩემს კლუბთან ერთად. ახლა 33 წლის ვარ, მალე 34-ის გავხდები. თუმცა არაფერი შეცვლილა ჩემთვის. ისევ მინდა ტიტულები, ისევ მსურს დიდებული გამარჯვებები და დამიჯერეთ ეს ყველას სურს, ისევ ისე როგორც წარსულში,"-დაასრულა იანგმა