19 წლის მცველმა "იუნაიტედის" გულშემატკივარი გააოცა. შეგახსენებთ, რომ დალო "ფულემისა" და "არსენალის" წინააღმდეგ წარდგა და ორივე თამაშში თავი გამოიჩინა.
ახალგაზრდა მცველი "ოლდ ტრაფორდზე" ზაფხულში გადმოვიდა, ჯერ კიდევ მაშინ, როცა ტრავმით იტანჯებოდა. "ფულემთან" კი მატჩის საუკეთესო გახდა.
იანგი, რომელსაც გასულ მატჩზე კაპიტნის სამკლაურს ატარებდა, დალოს თამაში შეაფასა და მის შთამბეჭდავ ფორმაზე ისაუბრა.
"კლუბში გადმოსვლისთანავე დალოს ტრავმა სტანჯავდა. ახლა ბევრად უკეთ გრძნობს თავს და მალევე შეეწყო გუნდს. ეს ძალიან მარტივია ისეთ გუნდში, როგორიც "იუნაიტედია".
"ჩვენი გუნდური შემართება ფანტასტიკურია. მე ამას ყოველთვის აღვნიშნავდი ხოლმე. ვფიქრობ, პრესა და ჟურნალისტები ყოველთვის საპირისპიროს ამბობენ, მაგრამ ტყუილია. გუნდის შემართება უბრალოდ ბრყწინვალეა."
"ეს პატარა ბიჭი მოვიდა და ისე თამაშობს თითქოს წლებია "იუნაიტედის" ღირსებას იცავს. ის უბრალოდ ბრწყინვალეა. გაოგნებული ვარ მისით," - დაასრულა იანგმა.