"მანჩესტერ იუნაიტედის" ფრანგი ნახევარმცველი პოლ პოგბა შესაძლოა იტალიაში დაბრუნდეს. მისით, მისი ყოფილი კლუბი ტურინის "იუვენტუსი" ინტერესდება.
Tuttosport - წერს, რომ "ბებერი ქალბატონი" ინგლისურ გრანდს, ზამთრის სატრანსფერო ფანჯრის გახსნისთანავე პოგბას თაობაზე აუცილებლად მიმართავს.
საქმე ეხება არენდის წესით ფეხბურთელის გადაბირებას, ხოლო არენდას თან გამოსყიდვის უფლების მუხლიც თან დაერთვება. წყარო ასევე იუწყება, რომ თუ ინგლისელებმა ამ შეთავაზებაზე უარი განაცხადეს, ტურინელები პოგბას ყიდვას უკვე ზაფხულში აუცილებლად ეცდებიან.
მიმდინარე სეზონში პოლ პოგბამ "იუნაიტედში" ყველა ტურნირზე ერთად 19 შეხვედრა ჩაატარა, საკუთარ აქტივს კი 5 გოლი და 4 საგოლე გადაცემა შემატა. ფრანგს "იუნაიტედთან" კონტრაქტი 2021 წლამდე აკავშირებს.