"მანჩესტერ იუნაიტედის" მცველმა მატეო დარმიანმა აღიარა, რომ იტალიის ჩემპიონატი ძალიან ენატრება.
მასთან დაკავშირებით გავრცელებული ჭორების ფონზე დარმიანი, რომელმაც 2015 წელს მიაშურა "ოლდ ტრაფორდს", ჟოზე მოურინიოს გუნდის არც ისე ხშირად გამოყენებადი წევრია, ვინაიდან მის ანგარიშზე მიმდინარე სეზონში მხოლოდ სამი მატჩია პრემიერ ლიგაში.
29 წლის ფეხბურთელს აქტიურად უკავშირებენ "იუვენტუსს", "ინტერს", "ნაპოლისა" და რომას, ამის ფონზე კი დარმიანმა განაცხადა: "უნდა ვთქვა, რომ მართლაც მენატრება სერია A და იტალია. ვიცი, რომ მსოფლიოს ერთ-ერთ საუკეთესო კლუბში ვთამაშობ და ვამაყობ, რომ "მანჩესტერ იუნაიტედში" ვარ, მაგრამ იტალია მენატრება. მიყვარს ჩემი სამშობლო".
შექმნილი სათამაშო პრაქტიკის სიმცირის ფონზე დარმიანს არც იტალიის ნაკრებში იძახებენ, სადაც დაბრუნება მისი ერთ-ერთი მთავარი მიზანია. "იტალიის ნაკრებში დაბრუნება ჩემი ამოცანაა. რობერტო მანჩინის ჯერ არ გამოვუძახებივარ, მაგრამ იმედი მაქვს, მომავალში გამომიძახებს".