ანტონიო ვალენსიას პრემიერ ლიგაში დარჩენას სთავაზობენ.
"მანჩესტერ იუნაიტედის" ფეხბურთელი ანტონიო ვალენსია "ვესტ ჰემის" რადარზე მოექცა.
33 წლის ფეხბურთელს სეზონის ბოლოს მოქმედი კონტრაქტი ეწურება და ჟოზე მოურინიოს მოთხოვნილებებს ვეღარ აკმაყოფილებს.
კონტრაქტში არსებული პუნქტის თანახმად, მას უფლება ეძლევა, ევროპის მასშტაბით მოასპარეზე საფეხბურთო კლუბებთან მოლაპარაკებები აწარმოოს, როგორც პოტენციურმა თავისუფალმა აგენტმა და "ჩაქუჩების" გარდა მისდამი ინტერესს ესპანეთიდან და იტალიიდანაც იჩენენ.
"ვესტ ჰემის" მარჯვენა მცველი პაბლო საბალეტა სეზონის ბოლოს კარიერის დასრულებას აპირებს და მის ჩასანაცვლებლად ლონდონელები ეკვადორელის კანდიდატურას განიხილავენ.
პრემიერ ლიგაში 12 წლის განმავლობაში მოასპარეზე ვალენსია მანუელ პელეგრინის დიდი სიმპათიით სარგებლობს და როგორც კლუბთან დაკავშირებული წყარო იტყობინება, "ოლდ ტრაფორდზე" ჯერ არ გადაუწყვეტიათ, თუ როგორ მოექცნენ ვალენსიას.
ტრავმიანობის გახშირებისა და უთამაშებლობის გამო მოურინიოსა და ვალენსიას არც ისე ხშირი კონტაქტი აქვთ და მოსალოდნელია, რომ ეს ბოლო სეზონი იყოს ვალენსიასთვის "ოლდ ტრაფორდზე".
"იუნაიტედში" ასპარეზობის 9 წლის განმავლობაში კი ანტონიომ 250-მდე მატჩი ჩაატარა და 17 გოლი გაიტანა.
წყარო:
the sun