"ფულჰემთან" მატჩის პირველი ტაიმის მიმდინარეობისას ალექსის სანჩესმა "მანჩესტერ იუნაიტედელ" თანაგუნდელებს შეტყობინება გაუგზავნა.
ეშლი იანგის, ხუან მატასა და რომელუ ლუკაკუს მიერ გატანილი გოლებით ჟოზე მოურინიოს გუნდმა პრემიერ ლიგის აუთსაიდერთან სამბურთიანი უპირატესობა მოიპოვა პირველივე ტაიმში.
სანჩესი ამ შეხვედრას ტრავმის გამო აკლდა, თუმცა ჩილედან, სადაც ის მკურნალობის პერიოდში იმყოფება, მატჩს თვალს ადევნებდა ტელევიზორის საშუალებით.
სამშობლოში მყოფმა ალექსისმა სწორედ მატჩის მიმდინარეობისას გამოაქვეყნა პოსტი "ინსტრაგრამზე", სადაც გუნდის წევრებს ოჯახი უწოდა და წარმატება უსურვა.