პრესაში ძალიან ბევრი იწერებოდა მოურინიოს "რეალ მადრიდში" დაბრუნების შესახებ, მაგრამ გულშემატკივრის სასიხარულოდ თუ სამწუხაროდ, აღნიშნული მხოლოდ ჭორი აღმოჩნდა და მეტი არაფერი. აღნიშნულის შესახებ მენდესმა ისაუბრა:
"ძალიან ბევრი ჭორი გავრცელდა მოურინიოს "მანჩესტერიდან" წასვლაზე. ეს სრული სიცრუეა. ჟოზე ძალიან ბედნიერია კლუბში და კლუბიც ბედნიერია მისით. მას გრძელვადიანი კონტრაქტი აქვს გაფორმებული. გუნდისთვის თავდადებულია და ყველაფერს აკეთებს, რათა კლუბი თავიდან ააშენოს."
მოურინიოს წასვლა უამრავმა გულშემატკივარმა მოითხოვა დღევანდელი რთული სიტუაციის გათვალისწინებით. შეგახსენებთ, რომ "წითლები" მერვე ადგილზე არიან და 18 ქულით ჩამორჩებიან "ხმაურიან მეზობლებს".
მას შემდეგ, რაც ზინედინ ზიდანმა "სამეფო კლუბი" დატოვა, არც "მადრიდელებს" დაადგათ კარგი დღე. ისინი "ლა ლიგაში" მეხუთე ადგილზე იმყოფებიან. შესაბამისად, ბევრი იწერებოდა მოურინიოს "რეალში" დაბრუნებაზე, რაც სრული სიცრუე აღმოჩნდა.