მარკუს რეშფორდი საკმაოდ პოზიტიურადაა მომავლისადმი განწყობილი. მისი ინტერვიუდან გამომდინარე, ყველაზე მინიმალური, რაც შეიძლება გულშემატკივრებმა "წითლებისგან" მიიღონ მოედანზე ყველაფრის დატოვებაა.
ჟოზე მოურინიომ "მანჩესტერლების" 10 ნომერი შეაქო "საუთჰემპტონთან" ჩატარებული თამაშის გამო. შეგახსენებთ, რომ რეშფროდმა ლუკაკუსა და ერერას გოლებში მიიღო მონაწილეობა.
რეშფორდმა "მანჩესტერს" ექსკლუზიური ინტერვიუ მისცა, სადაც აღნიშნა, რომ ამ რთულ სიტუაციაშიც განარგძობს მუშაობას და გუნდისთვის ყველაფერს გააკეთებს.
"ჩვენ ძალიან რთული პერიოდის გავლა გვიწევს. "მანჩესტერი" ამჯერად ნამდვილად არ არის თავისი ფორმის პიკში, ასე რომ რაც დაგვრჩენია საკუთარ თავზე მუშაობაა."
"ჩემს გონებაში სულ ერთი რამ ტრილებს: რაც არ უნდა მოხდეს, მოედანზე 110 პროცენტი უნდა დავდოთ, რათა მოედნიდან გამოსვლისას არანაირი სინანული არ ვიგრძნოთ. არანაირი საიდუმლო არ არსებობს, მხოლოდ ერთი რამ არის გასაკეთებელი: თუ მუშაობ საკუთარ თავზე, და თუ ძალიან ბევრს მუშაობ მაშინ მიღებ იმ შედეგს რაც გსურს. მე ყოველთვის ამას ვაკეთებ, მითმეტეს მაშინ, როცა არცთუ ისე სახარბიელო სიტუაციაში ვარ."
"ყველაფერი მხოლოდ და მხოლოდ ბევრი მუშაობით მოდის. ჩვენ ყოველთვის ვცდილობთ განვითარებას, რადგან ეს არის ერთადერთი წარმატების საიდუმლო. ჩვენი თავის საუკეთესო ვერსიები უნდა ვიყოთ ყოველ წუთს - ესაა ერთადერთი გამოსავალი."
მიუხედავად გუნდის წარუმატებლობისა "იუნაიტედის" გულშემატკივრები ყველაფერს აკეთებენ, რათა გუნდს გვერდში დაუდგნენ. გარდა ამისა, აღსანიშნავია ფეხბურთელების თავდადებაც, რომლებიც მიუხედავად დაზინაბებებისა მაინც თამაშობენ.
"ვიცი, რომ გულშემატკივრებს ძალიან სურთ ჩვენი გამარჯვება. ჩვენც ძალიან გვინდა მათთვის მოგება. ჩვენ გვაქვს სხვა გუნდების დამარცხების შესაძლებლობა, უბრალოდ ყველაფერს ერთად უნდა მოვუყაროთ თავი. მარტივი სათქმელია, მაგრამ რთული გასაკეთებელი."
"ახლა ნამდვილად რთულ სიტუაციაში ვართ, მაგრამ ეს არ ნიშნავს იმას, რომ გავჩერდებით, ან განვითარებას შევწყვეტთ. ეს უბრალოდ ნიშნავს, რომ უფრო მეტი უნდა ვიმუშავოთ და ამას აუცილებლად გავაკეთებთ,"-დაასრულა რეშფორდმა.